Paredes objektivi kryesor i Milanit, Rossonerët e duan argjentinasin në janar

Leandro Paredes pritet të rikthehet në kampionatin italian Serie A.

Mesfushori argjentinas që aktiviozhet në Rusi me Zenitin, ka shprehur dëshirë për tu rikthyer në Itali.

24-vjeçari iu bashkua Zenitit në verën e vitit 2017 për 23 milionë euro nga Roma.

Por për ta rikthyer në Itali mesfushorin, është duke insistuar skuadra e Milanit.

Corriere dello Sport shkruan se kontaktet mes palëve kanë nisur dhe ky transferim mund të ndodh qysh në janar.

Paredes shihet si objektivi kryesor i Milanit për mesfushën dhe trajneri Gattuso e pëlqen shumë lojtarin.

Për ta bindur Zenitin të heqë dorë nga ylli i tyre, Milan ka gati 30 milionë euro plus pesë të tjera në formë bonusesh.

Problemi i vetëm qëndron tek paga e lojtarit e cila është rreth pesë milionë euro te Zeniti.

Në anën tjetër, Milan deri më tani është e gatshme t’i ofrojë pagë prej katër milionë euro neto në stinor.

Për reprezentuesin argjentinas interesim kanë shprehur edhe skuadrat angleze Arsenal dhe Tottenham Hotspur. /Telegrafi/