Juventusi dhe Atletico Madridi zhvillojnë ndeshjen kthyese të 1/8 së finales në Ligën e Kampionëve. Skuadra spanjolle ka fituar me rezultat 2-0 në Wanda Metropolitano, ashtu që Zonja e Vjetër duhet ta përmbysë këtë rezultat për t’u kualifikuar në çerekfinale.
Të rejat në skuadrën e Juventusit
Alex Sandro është i pezulluar, pasi e mori kartonin e tretë të verdhë në këtë garë në Madrid, ndërsa Blaise Matuidi rrezikon të mos luajë në ndeshjen e radhës në rast se merr karton të verdhë.
Leonardo Bonucci dhe Paulo Dybala u inkuadruan nga banka rezervë në fundjavë ndaj Udineses, ndërsa futbollistë, si Giorgio Chiellini, Blaise Matuidi, Mario Mandzukic e Cristiano Ronaldo – pushuan në atë takim.
Joao Cancelo dhe Miralem Pjanic po ashtu pushuan, duke qenë se ishin të pezulluar për atë sfidë, ndërsa Douglas Costa, Mattia De Sciglio, Juan Cuadrado dhe Sami Khedira nuk mund të luajnë ndaj Atleticos, sepse janë të lënduar.
Skuadra e plotë e Juventusit:
Szczesny, Perin, Pinsoglio; Chiellini, Caceres, Bonucci, Joao Cancelo, Rugani, Spinazzola; Pjanic, Matuidi, Emre Can, Bentancur, Nicolussi Caviglia; Ronaldo, Dybala, Mandzukic, Kean, Bernardeschi.
Të rejat në skuadrën e Atletico Madridit
Problemi më i madh për Diego Simeone është krahu i majtë i mbrojtjes, pasi që edhe Filipe Luis edhe Lucas Hernandez janë të lënduar.
Talenti Andres Solano startoi në atë pozitë në fundjavë, mirëpo u zëvendësua dhe nuk është përfshirë në skuadrën e plotë. Gjasat janë të mëdha që Juanfran të luajë si mbrojtës i majtë.
Në ndërkohë, Thomas Partey dhe Diego Costa janë të pezulluar, ndërsa Alvaro Morata mund të startojë kundër ish-klubit të tij.
Jose Gimenez, Angel Correa dhe Antoine Griezmann rrezikojnë të mos luajnë në ndeshjen e ardhshme nëse marrin kartonë të verdhë.
Skuadra e plotë e Atletico Madridit:
Adan, Oblak, Alex; Godin, Arias, Savic, Gimenez, Montero; Koke, Saul, Lemar, Rodri, Vitolo, Carro, Joaquin; Griezmann, Kalinic, Correa, Morata.
Parashikimi
Juventusi ka një punë shumë të vështirë pas humbjes prej 2-0 në ndeshjen e parë, mirëpo në këtë sezon ka lëshuar pikë vetëm në tri ndeshje në shtëpi në të gjitha garat, prandaj e ka vetëbesimin për t’i ndryshuar gjërat.
Atletico nuk ka luajtur mirë në udhëtim gjatë gjithë sezonit, duke i fituar vetëm gjashtë ndeshje në të gjitha garat, por rekordi i tyre në mbrojtje nënkupton se kjo do të jetë një përballje shumë e vështirë për vendasit.
Zonja e Vjetër duhet të shënojë që në pjesën e parë për t’i vënë në presion mysafirët, mirëpo të zgjedhurit e Simeones e kanë mundësinë për ta menaxhuar situatën.
Rezultati i mundshëm
Juventusi e fiton ndeshjen, por Atletico ka më shumë gjasa për t’u kualifikuar.
Statistika
Atletico nuk ka pranuar gol në katër ndeshjet e fundit në Ligën e Kampionëve.
Los Rojiblancos nuk kanë pranuar gol ndaj Juventusit në tri takimet e fundit në të gjitha garat.
Në katër përballjet e fundit të Atleticos në Ligën e Kampionëve janë shënuar mesatarisht më pak se 2.5 gola për ndeshje.
Skuadra spanjolle është e pamposhtur në 10 nga 11 ndeshjet e fundit në Ligën e Kampionëve.
/Telegrafi/
Promo
Reklamo këtuLufta Prigozhin - Putin
Më shumëTrajneri i Rumanisë tregohet një profesionist i vërtetë kur flet për lojën e Kosovës
Kapiteni Amir Rrrahmani merr përgjegjësinë për humbjen nga Rumania
Gjithçka që ndodhi para, gjatë dhe pas ndeshjes: Kosovë 0-3 Rumani
Start dëshpërues i Kosovës në Ligën e Kombeve – mposhtet nga Rumania në ‘Fadil Vokrri’
Notat e lojtarëve: Kosova 0-3 Rumania
Italia nëpërkëmbë Francën, fiton edhe Belgjika
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë