Panik gjatë fluturimit nga Stambolli në Qipro, gruaja pretendonte se është terroriste dhe kërcënonte se do ta hedh në erë aeroplanin

Një grua sot pretendonte brenda një aeroplani në Stamboll se i përket organizatës “FETO”. Por, ishin pasagjerët ata që e mbajtën të rrethuar, derisa para tyre u shfaqën anëtarët e sigurimit të cilët nuk gjetën asgjë të dyshimtë te ajo.

Qeveria turke akuzon “FETO” gjithashtu e njohur si Hizmet për tentim puçin e vitit 2016 në Turqi, ku shumë persona humbën jetën pas eskalimit të situatës, transmeton Telegrafi.

E gruaja që pretendonte se është terroriste ka shkaktuar panik gjatë fluturimit nga Stamboll, dhe me nervozizëm mbante lart në dorë librin e shenjtë Kuranin duke kërcënuar vazhdimisht se do ta hedh në erë aeroplanin.

Me syze dielli dhe me burkë në kokë, kjo grua pretendonte se i përket organizatës “FETO”, që Turqia e akuzon për tentim puçin e vitit 2016. Por, pas intervenimit të pasagjerëve ajo është nxjerrë nga aeroplani.

Më pas ekipet e sigurimit kanë kontrolluar aeroplanin që për destinacion kishte Qipron, nga frika se mund të ketë diçka të dyshimtë. Sipas “Qipro Mail”, gruaja bërtiste: “Jam anëtare e FETO-s, do ta hedh në erë aeroplanin”.

Pamjet e filmuara brenda aeroplanit shfaqin gruan e rrethuar nga pasagjerët e tjerë, pasi ajo kishte ngritur dorën me të cilën mbante Kuranin dhe vazhdimisht bërtiste.

Ajo madje kishte pretenduar se i ka pesë bomba, e sipas mediave turke, ajo dukej sikur mbante edhe fotografinë e Fetullah Gulenit, klerikut që qëndron prapa kësaj organizate. /Telegrafi/