Pamjet kur u arrestuan të përgjakur personat që dyshohen se vranë presidentin e Haitit

Policia e Haitit thotë se kanë vrarë shtatë dhe arrestuar gjashtë të dyshuar për vrasjen e presidentit, Jovenel Moise.

Po zhvillohet një kërkim për persona të tjerë përgjegjës për sulmin e djeshëm në rezidencën e presidentit të shtetit, kur ai u vra dhe gruaja e tij, Martina u plagos rëndë.

Lexo po ashtu Pamjet e aksionit të vrasjes së presidentit të Haitit - dyshohet se këtë e organizoi DEA

Të paktën dy të dyshuar u arrestuan nga qytetarë të zemëruar në Port-au-Prince dhe iu dorëzuan policisë, raporton thewallstreetjournal.

🧐🇭🇹#URGENTE: Mire cómo ciudadanos detienen a dos de los supuestos asesinos del pdte de #Haiti. Autoridades asegura que 7 fueron abatidos y 6 capturados. Según @washingtonpost también fue arrestado un ciudadano estadounidense de ascendencia haitiana. pic.twitter.com/9uCMMSlK4K

— Carlos Chamochumbi (@cgchamochumbit) July 8, 2021

Turma më vonë i vuri flakën disa veturave të braktisura me vrima plumbash që besohet se u përkisnin të dyshuarve.

Autoritetet nuk lëshuan informacione rreth të dyshuarve ose një motiv të mundshëm të sulmit, i cili, sipas policisë, u krye nga një “grup jashtëzakonisht i trajnuar dhe i armatosur rëndë”.

Haiti, vendi politikisht i paqëndrueshëm dhe më i varfër në hemisferën perëndimore, ka hyrë në trazira të reja nga vrasja e Moise gjersa kriza është e komplikuar më tej nga vakumi politik dhe pasiguria se kush mund të marrë pushtetin. /Telegrafi/