Pamje nga ‘vija e parë e frontit’ që tregojnë shkëmbime të fuqishme zjarri në qytetin lindor të Ukrainës, Lysychansk

Siç raportojnë mediat e huaja, së fundmi ka pasur një shkëmbim të fuqishëm zjarri në qytetin lindor të Ukrainës, Lysychansk, në rajonin e Luhansk.

Në këtë drejtim, thuhet se forcat ruse duan të marrin kontrollin e Luhanskut duke u përpjekur të kapin Lysychansk dhe Severodonetsk aty pranë.

Ndërkohë presidenti i Ukrainës, Volodymyr Zelensky, së fundmi i ka cilësuar ata si “qytetet e vdekura” për shkak të intensitetit të luftimeve atje.

E BBC ka sjellë pamje nga qyteti lindor i Ukrainës, Lysychansk – përkatësisht pamje të luftimeve atje, përcjell Telegrafi.

Ndryshe, forcat ukrainase që vazhdojnë të qëndrojnë në qytetin lindor të Severodonetsk janë në numër më të madh se forcat ruse, kishte thënë presidenti Volodymyr Zelensky.

Që kur tërhoqi forcat e saj nga rajoni i Kievit në mars, Rusia i ka ripërqendruar përpjekjet e saj ushtarake në Donbasin lindor të Ukrainës duke bërë përparime të ngadalta atje në javët e fundit.

Në anën tjetër, vendet perëndimore i janë përgjigjur konfliktit të ashpër me premtime për të dërguar armë edhe më të avancuara me rreze të gjatë në Kiev, që ata shpresojnë se do të forcojnë kapacitetin mbrojtës të Ukrainës në lindje. /Telegrafi/