Paga e çmendur që do ta fitoj Mbappe te Al Hilal nëse pranon ofertën, është më e madhe se tre herë pagat e të gjithë lojtarëve të PSG-së

Kylian Mbappe ka para vetës një ofertë të çmendur, që është më e madhja në histori të futbollit.

Sulmuesi francez ka vendosur të largohet nga Paris Saint Germain, por vazhdon të jetë në dyshim se cilën skuadër do ta zgjedhë.

Skuadra arabe Al Hilal ka bërë ofertë zyrtare në drejtim të PSG-së për t’i fituar shërbimet e Mbappes, duke ofruar 300 milionë euro.

Lexo po ashtu Al Hilal dorëzon ofertën zyrtare për Mbappen: Është rekord botëror ku francezi do të bëhej më i shtrenjti dhe më i paguari në histori

Por edhe më shokuese është oferta që i është bërë Mbappes, me francezin që nëse pranon transferimin te Al Hilal do të fitojë 700 milionë euro neto në sezon.

Mbappe do të bëhej padyshim futbollisti më i paguar në histori të futbollit pasi bëhet fjalë për një shumë të padëgjuar më parë.

Lexo po ashtu Florentino Perez jep përgjigje interesante kur pyetet për situatën e Mbappes

24-vjeçari do të fitonte tre fishin e pagës që fitojnë të gjithë bashkëlojtarët e tij aktual te PSG, pasi gjiganti francez aktualisht ka pagesa prej 200 milionë euro në sezon për të gjithë futbollistët e tij.

Oferta tani është bërë dhe topi ka kaluar te këmbët e Mbappes nëse do ta pranojë këtë ofertë tunduese apo do ta refuzojë për ta bërë ëndrrën e tij realitet që të luaj për Real Madridin. /Telegrafi/

Al Hilal offering €300m transfer fee to PSG. In addition to this they are prepared to offer Mbappe a salary package of €700m over one year, after which he would be free to depart for Real Madrid should he so wish.

— James Benge (@jamesbenge) July 24, 2023