Osmani në Paris takohet me miq e aleatë të Kosovës: Bashkëpunimi me ta është parësor

Presidentja e Kosovës, Vjosa Osmani, është lajmëruar sërish nga vizita e saj në Paris të Francës ku po mbahet Forumi i Paqes.

Këtë herë, Osmani ka njoftuar për takimet që ka zhvilluar me homologët e saj nga Estonia, Liberia, Hungaria dhe Maqedonia e Veriut.

Në llogarinë e saj në Twitter, Osmani ka shkruar se bashkëpunimi me miq dhe aleatë është parësor.

“Bashkëpunimi me miq dhe aleatë është parësor teksa përpiqemi t’i tejkalojmë sfidat e përbashkëta në Evropë dhe më gjerë”, ka shkruar ajo.

Ndryshe, një ditë më parë, presidentja Osmani dhe bashkëshorti i saj, Prindon Sadriu, janë pritur për darkë në Pallatin Elysee në Francë.

Ata janë pritur nga presidenti francez, Emmanuel Macron dhe Zonja e Parë, Brigitte Macron.

“Sonte bashkë me Prindonin, kishim kënaqësinë të pritemi në darkën e organizuar nga Presidenti Emmanuel Macron dhe Zonja e Parë Brigitte Macron në Pallatin Élysée”, ka shkruar Osmani në llogarinë e saj në Facebook, të premten mbrëma. /Telegrafi/

Cooperation with friends and allies is paramount as we look to overcome common challenges in Europe and beyond.

During the @ParisPeaceForum, a pleasure to catch up with Presidents ?? @AlarKaris, ?? @GeorgeWeahOff, ?? @KatalinNovakMP and ?? @SPendarovski. pic.twitter.com/L9GZ2uh8Eq

— Vjosa Osmani (@VjosaOsmaniPRKS) November 12, 2022