Osmani: Milani është gjigant, por ne do t’i luajmë shanset tona

Shorti i UEFA-së për play offin e Ligës së Evropës e ka vendosur Shkëndijën në qendër të vëmendjes jo vetëm në opinionin në Maqedoni por edhe më gjerë.

Arsyeja është e thjeshtë pasi kundër tyre do të luajë gjiganti italian, AC Milan.

Pas mësimit të emrit të kundërshtarit, trajneri Qatip Osmani, tha se do ta japin maksimumin në këto dy ndeshje kundër gjigantit evropian.

“Sigurisht për kundërshtarin nuk ka nevojë shumë fjalë të flasim për të. Ka traditë të madhe, por rezultatet në kohën e fundit nuk janë në nivelin më të lartë pasi janë në ndërtim”.

“Është kundërshtari më i fortë që ka mundu të na bie. Ne duhet të përgatitemi mirë dhe të jemi sa më të gatshëm që ta bëjmë prezantimin e duhur. Në futboll ndodhin befasitë”.

“Sigurisht meritat më të mëdha i kanë lojtarët. Ata janë të cilët na mundësuan këtë lojë dhe publikisht e shprehi kënaqësinë si i udhëhiqi këta djelmosha. Milani është Milan, por ne nuk dorëzohemi para kohe. Do t’i luajmë të dy ndeshjet”, ka thënë trajneri Qatip Osmani. /Telegrafi/