ORCA: 72 % e profesorëve nuk i justifikojnë titujt e tyre akademikë 

Organizata për Rritjen e Cilësisë në Arsim ka prezantuar sot një analizë për pensionimin e stafit akademik në Universitetin e Prishtinës, specifikisht profesorët e rregullt që nuk justifikojnë titujt e tyre akademikë.

ORCA thekson se 72% e profesorëve nuk i justifikojnë titujt e tyre akademik, parë nga aspekti i punimeve shkencore që duhen për titujt respektiv.

“Ajo që ne ngritëm si shqetësim të veçantë ishte rasti i 122 profesorëve të rregullt, të cilët mbajnë titullin më të lartë akademik dhe si rrjedhojë kanë kontratë me kohë të pacaktuar Nga 122 profesorët e rregullt që nuk justifikojnë titujt e tyre akademikë, 36 supozohen të pensionohen në vitin 2018, por deri tani janë pensionuar vetëm 16. Profesori i fundit i rregullt që nuk e justifikon titullin e tij do të pensionohet në vitin 2036. Kjo do të thotë se fëmijët që aktualisht janë 3 vjeçar do të mund të mentorohen në temat e tyre të diplomës në nivelin Bachelor te ky profesor; fëmijët aktualisht 5 vjeçar do të mund të mentorohen në nivelin Master nga po ky profesor; ndërkaq dikush nga fëmijët aktualisht 10 vjeçar mund ta ketë fatin të mentorohet në doktoraturën e tij/saj nga profesori në fjalë”, thuhet në njoftimin e ORCA-s.

Analizën e plotë mund ta lexoni këtu: /Telegrafi/