Orari i meçeve, Joshua vs Wallin dhe Wilder vs Parker

Sonte tifozët e boksit do të përjetojnë disa nga meçet më të forta në historinë e boksit të peshave të rënda.

Ish-kampioni i botës në peshën e rëndë, Anthony Joshua, do të zbarkojë sonte në Kingdom Arena në Riad të Arabisë Saudite.

Në atë që premton të jetë një ndeshje epike, Joshua do të përballet me Otto Wallin në 12 raunde, me shpresën për të vendosur veten për një mundësi tjetër për titull kundër Tyson Fury ose Oleksandr Usyk.

Lexo po ashtu Mbrëmje spektakolare e boksit, Joshua dhe Wilder do të zbresin në të njëjtin ring, por me kundërshtar të ndryshëm

Tjetër nga këto luftime e mëdha, do të jetë edhe ajo mes Deontay Wilder që lufton kundër Joseph Parker.

Wilder është favorit i madh për të fituar luftën ndaj Parker.

Orari i këtyre përballjeve

Të parët në ring do të dalin, Deontay Wilder dhe Joseph Parker, ku parashikohet që ata të jenë në arenë pak minuta para mesnatës, diku rreth orës 23:35.

Në anën tjetër në atë që konsiderohet si meçi kryesor, Anthony Joshua dhe Otto Wallin do të jenë në arenë pas mesnatës.

Lexo po ashtu Jo vetëm paratë, Joshua ka një tjetër objektiv nëse e mposht Wallinin - lufta me një kampion

Britaniku dhe suedezi pritet të dalin para shikuesve rreth orës 00:45 minuta.

Meçet tjera do të jenë mes: Dmitry Bivol vs. Lyndon Arthur, Daniel Dubois vs. Jarrell Miller, Jai Opetaia vs. Ellis Zorro, Filip Hrgovic vs. Mark de Mori, Arslanbek Makhmudov vs. Agit Kabayel, Frank Sanchez vs. Junior Fa. /Telegrafi/