Opozita kërkon hetim për rastin Dehari dhe debat për dështimet e qeverisë Kurti

Çështja e zhdukjes së mostrave të Astrit Deharit dhe pastaj gjetja e tyre, falja e borxheve ambalazhuesve të ujit dhe qeverisja Kurti, janë çështjet për të cilat opozita ka thënë se nuk do të rresht së kërkuari që të zbardhet e vërteta.

Shefi i Grupit Parlamentar të PDK-së, Abelard Tahiri pas mbledhjes së Kryesisë së Kuvendit, a deklaruar se nuk do të rreshtin së këmbënguluri për themelimin e një Komisioni Hetimor Parlamentar për rastin Dehari.

“Sa i përket angazhimit tonë, ju e din që kemi ngritë një çështje për të cilën, ministrja e Drejtësisë dhe personat tjerë përgjegjës po i ikin saj. Ne kemi ngritur disa pyetje për humbjen e mostrave të Astrit Deharit dhe pastaj gjetjen e tyre. Ne vazhdojmë këmbëngulim që të realizohet propozimi jonë për formim e Komisionit Hetimor, për humbje e këtyre mostrave, dhe duhet hedhur dritë mbi këtë çështje”, ka thënë Tahiri.

Ai ka shtuar se edhe nëse Kuvendi do të hezitoj ta votoj do të iniciojnë prapë me mbledhjen e nënshkrimeve duke thirrur një seancë të jashtëzakonshme.

“Nuk do të heqim dotë në asnjë rrethanë për themelimin e këtij Komisioni sepse është mirë që qytetarët të dinë të vërtetën rreth zhdukjes së këtyre mostrave. Ata që duhet bërë më së shumti ata sot po fshehën, dhe me gjasë kanë edhe dorë në humbjen dhe kthimin e këtyre mostrave. Mendoj se ky Komision Hetimor do të zbardh shumë çështje që ka ndodhur gjatë kësaj periudhe”, tha Tahiri.

Shefi i deputetëve të PDK-së tutje foli edhe për ambalazhuesit e ujit.

“Javën e kaluar jemi njoftuar edhe me një ngjarje ambalazhuesve të ujit, çështja e përllogaritjeve të ambalazhuesve të ujit. Kjo çështje duhet të trajtohet përmes Komisionit Hetimor. Qysh është e mundshme që dhjetëra milionë euro të reduktohen. Këtu kemi të bëjmë edhe me një abuzim penal”, tha ai.

Ndërkaq shefi i Grupit Parlamentar të AAK-së, Bensik Tahiri ka thënë se në seancës e radhës kanë kërkuar që në rend dite të jenë dështimet e tri viteve të qeverisjes së Albin Kurtit.

“Ne si GP që pikë e parë e rendit të ditës ne seancën e radhës të jetë kërkesa jonë për një debat për tri vitet e Qeverisë së Albin Kurtit. Një debat i cili do të shpërfaq degradimin total të kësaj qeverie në këto tri vite, në veçanti ne zhvillimin ekonomik. Kosova vazhdon të jetë në sanksione nga Bashkësi Evropiane. Të gjitha këto tema do t’i diskutojmë, neve na tha që kryeministri nuk do të jete në javën e ardhshme dhe të do të kërkojmë mocionin tonë për shkarkimin e kryeministrit”, ka thënë ai. /Telegrafi/