OBRM-PDUKM: Zaevi dhe Angelovska me rebalancin e buxhetit propozuan buxhet populist

Nuk ka zhvillim të ekonomisë dhe të shtetit dhe as nuk mund të ketë me një qeveri kaq të paaftë, thonë nga OBRM-PDUKM si reagim ndaj konferencës për shtyp të kryeministrit Zoran Zaev dhe ministres Nina Angelovska për rebalancin e buxhetit.

“Zoran Zaev dhe Nina Angelovska me rebalancimin propozojnë një buxhet populist, me të cilën shkurtohen projektet zhvillimore, siç janë investimet kapital për të pasur para për masat populiste, që kanë një efekt afatshkurtër”, akuzojnë nga OBRM-PDUKM.

Nga atje thonë se plani i Zaevit është të transferojë para në kosto joproduktive për të minimizuar pakënaqësinë ndaj korrupsionit në kabinetin e tij. Cilat janë gropat në ekonomi që do të hapen në këtë mënyrë, Zaev nuk është i interesuar sepse e di që po përballet me humbje në zgjedhje. LSDM po largohet dhe do të jetë përgjegjëse për të gjitha parregullsitë.

“Maqedonia shkëlqen vetëm në kokën e Zoran Zaev. Në fakt, ne kemi 2.5% më pak punëtorë në industri në mujin korrik të këtij viti, krahasuar me korrikun e vitit të kaluar, ose 100.000 vitin e kaluar, ndërsa tani kemi 2.500 më pak”, deklarojnë nga OBRM-PDUKM.

Nga atje shtojnë se politikat ekonomike ka munguar plotësisht. Çfarëdo rebalanci nuk do ta shpëtojë qeverinë. Zoran Zaev duhet të ikë. Po vjen koha për të rindërtuar Maqedoninë./Telegrafi/