Të paktën 34 persona kanë vdekur nga rrëshqitjet e dheut dhe përmbytjet në qytetin brazilian të Petrópolis, thonë punonjësit e urgjencës.
Qyteti, i cili ndodhet në malet në veri të Rio de Zhaneiros, u godit nga reshje të rrëmbyeshme, shkruajnë mediat e huaja, përcjell Telegrafi.
Shtëpitë në lagjet e kodrave u shkatërruan dhe makinat nuk shpëtuan po ashtu ndërsa ujërat e përmbytjeve vërshuan nëpër rrugët e qytetit.
Si pasojë, kryebashkiaku i qytetit ka shpallur gjendjen e jashtëzakonshme dhe ekipet e kërkim-shpëtimit po kërkojnë për të mbijetuar të mundshëm.
Ndërkohë pamjet e shpërndara në mediat sociale treguan dëme të mëdha dhe automjete që notonin në rrugë.
https://twitter.com/Brave_spirit81/status/1493800943812554757?s=20&t=J2p4K_33y2G-lAvPzaw87Q
Presidenti Jair Bolsonaro, i cili ndodhet në një udhëtim zyrtar në Rusi, ka thënë se do të organizojë ndihmë të menjëhershme për të prekurit.
https://twitter.com/Brave_spirit81/status/1493837968842399744?s=20&t=J2p4K_33y2G-lAvPzaw87Q
Petrópolis, dikur rezidenca verore e perandorëve brazilianë, është një destinacion popullor turistik.
https://twitter.com/commonstoic/status/1493811369002647555?s=20&t=J2p4K_33y2G-lAvPzaw87Q
Por vendndodhja e tij në malet në veri të Rio de Zhaneiros do të thotë se është gjithashtu e prirur ndaj rrëshqitjeve të dheut.
Incidenti më i rëndë ndodhi në vitin 2011, kur më shumë se 900 njerëz gjetën vdekjen kur rrëshqitjet e dheut goditën Petropolis dhe qytetet fqinje. /Telegrafi/
