Donny van de Beek pritej që të fillonte shkëlqimin te Manchester United pas ardhjes së trajnerit Erik Ten Hag, por një gjë e tillë nuk po ndodh.
Mesfushori holandez ka mbetur në stol dhe ka vetëm 19 minuta të luajtura këtë edicion në tre ndeshje.
Përkundër se sa ishte nën urdhrat e Ten Hag në Ajax shkëlqente, tani Van de Beek nuk preferohet fare nga trajneri holandez.
I pari i shtabit teknik të Djajve të Kuq i ka kërkuar bashkëkombësit të tij që të largohet në janar në mënyrë që ta shpëtojë karrierën e tij.
25-vjeçari ishte i huazuar te Evertoni, por as ky huazim gjashtë mujor nuk ishte i suksesshëm.
Van de Beek ka vendosur të rikthehet aty ku nisi gjithçka në Eredivisie për të kapur formën më të mirë.
Djajtë e Kuq janë gati ta huazojnë mesfushorin dhe tani dy gjigantët holandezë Ajax dhe PSV Eindhoven kanë shprehur interesim për të.
Për holandezin ka interesime edhe nga klubet tjera angleze ato italiane apo spanjolle, por dëshira e futbollistit është të rikthehet në vendlindje.
Pavarësisht dëshirës së futbollistit për tu rikthyer te Ajax, favorit mbetet PSV për faktin se te Ajax konkurrenca është shumë më e lartë. /Telegrafi/
