Nuk ka fitues në Pejë: Besa dhe Feronikeli i ndajnë pikët

Besa dhe Feronikeli i kanë ndarë pikët në kuadër të përballjes së javës ë tetë në Superligën e Kosovës, pasi ndeshja përfundoi 1-1.

Nikli e filloi mjaftë mirë takimin duke rrezikua me anë të Marko Milickovic që testoi dy herë portierin Agron Kolajn që u tregua i vëmendshëm.

Besa më pas filloi të këndellej dhe rrezikoi me anë të Etnik Brutit në minutën e 25-të, por gardiani Ilir Avdyli priti goditjen tij.

Edhe Ardi Tahiri i Besës kishte një shans të artë për gol, mirëpo që Avdyli u tregua përsëri i vëmendshëm.

Në pjesën e dytë, dy skuadrat ishin më kërkuese dhe arritën të shënonin nga një herë.

Bruti në minutën e 58-të kaloi Besën në epërsi me një gjuajtje zhagas nga ndërprerja, duke shënuar me lehtësi.

Por, epërsia e vendasve zgjati më shumë se dhjetë minuta, atëherë kur Milickovic (71’) shënoi golin e barazimit 1-1.

Dy skuadrat deri në fund tentuan të kalonin në epërsi, mirëpo në të dyja anët, mbrojtja ishte e ngjeshur.

Pas javës së tetë, Feronikeli gjendet në vendin e tetë me shtatë pikë, derisa Besa në të fundit me pesë sosh. /Telegrafi/