“Nuk ka afat kohor te Juventusi për Thiago Mottan” – Giuntoli flet për të ardhmen e trajnerit

Drejtori i Juventusit, Cristiano Giuntoli këmbëngul se nuk ka ‘një afat kohor’ që trajneri Thiago Motta të gjejë suksesin.

Presioni është realisht tek të dyja skuadrat, pasi ato kanë pasur vështirësi si brenda dhe në Evropë, ku janë me tetë pikë nga pesë ndeshje.

“Ne sigurisht që duam të bëjmë gjithmonë më shumë dhe më mirë, padyshim që trajneri nuk i përmbahet kurrë alibive, ne jemi të kënaqur me këtë, por është gjithashtu mjaft e qartë se na është dashur të përballemi me shumë probleme”.

“Në këtë moment, ne mund të vlerësojmë vetëm përpjekjen e jashtëzakonshme që këta djem po bëjnë dhe të gjithë po përpiqen të mbajnë ekipin derisa të tjerët të kthehen në gjendje të plotë fizike”, deklaroi Giuntoli për Amazon Prime Video.

Pep Guardiola tha në konferencën e tij për shtyp se ai nuk fitoi në sezonin e tij të parë në Manchester City, kështu që Juventusi duhet të ketw durim dhe të presë që Thiago Motta të hedhë themelet?

“Ne e nisëm sezonin me një projekt krejtësisht të ri, që respekton bilancin dhe përfshin shumë lojtarë të rinj që mund të luajnë një stil të caktuar futbolli”.

Lexo po ashtu Legjenda e Italisë, Cannavaro thotë se Juventusi i Mottas luan më keq se sezonin e kaluar me Allgerin

“Është e qartë se ne do të donim që ai proces të kryhet sa më shpejt që të jetë e mundur, por nuk kemi vendosur asnjë afat kohor për këtë”, deklaroi Giuntoli. /Telegrafi/