Notoi për 10 orë në liqenin e Ohrit për të protestuar ndaj pushtetit (Foto)

29 vjeçarja nga Manastiri, profesoreshë e gjuhës latine Sofija Bejkovska Çaçorovska dje ka bërë një protestë shumë interesante ndaj Qeverisë që kishte premtuar dhe nuk e ka ndërtuar ende pishinën e mbyllur në Manastir, transmeton Telegrafi Maqedoni.

Ka notuar 10 orë dhe më në fund ka arritur shumë e lodhur në bregun e liqenit të Ohrit ku e kanë pritur burri, babai dhe trajneri i saj.

Këtë gjest maratonik Sofija thotë se e ka bërë për të tërhequr vëmëndjen e pushtetit që premtoi pishinë të mbyllur olimpike në qytet dhe ende nuk e ka bërë.

”Jam shumë e hutuar dhe kam shumë dhimbje muskujsh. E kam pas si mision që në fëmijëri të notoj liqenin e Ohrit, për të treguar se në Manastir na duhet pishinë e mbyllur që fëmijët tjerë të kenë rezultate të mira shëndetësore dhe në notim” tha Sofija Bejkovska Çaçorovska.

Ajo ka filluar me not dje në mëngjes dhe pas 30 kilometrave të notuara. Sofija thotë se në 10 kilometrat e fundit ka pasur shumë kriza pasi trupi ka filluar ta tradhëtoj./Telegrafi/