Një këshilltar ndezi aksidentalisht një zjarr ndërsa po ndizte një qiri gjatë një mbledhjeje të komitetit në internet.
Sipas medieve të huaja, përcjell Telegrafi, këshilltari i qytetit të Londrës, Tom Sleigh, po përdorte një çakmak për të ndezur një qiri kur blloku i shënimeve të tij filloi të digjej – para 30 kolegëve gjatë takimit me transmetim të drejtpërdrejtë.
Pamjet që z. Sleigh postoi në llogarinë e tij në Twitter treguan se blloku i shënimeve po përfshihej nga flakët ndërsa ai dëshpërimisht u përpoq të merrte kontrollin e situatës.
Z. Sleigh duket i tronditur dhe i kapur nga paniku dhe duket se bërtet, ndërsa rrëmben bllokun e shënimeve.
Ai më pas arrin të përdorë duart e tij për të shuar zjarrin dhe e hedh fletoren anash.
Anëtari i Partisë së Punës tha se ai ishte djegur keq pas incidentit.
Z. Sleigh tha se ai arriti ta shuante zjarrin shpejt por i dogji gishtat dhe ‘i zhyti në një lavaman të ftohtë’.
Çfarë ra në sy është fakti se kryetari i takimit vazhdon të flasë dhe duket plotësisht i pavëmendshëm për flakët që shiheshin në ekranin para tij. /Telegrafi/
