Një kamera sigurie regjistroi një “figurë drithëruese” në shtëpi, pronari i frikësuar kërkon ndihmë

Një përdorues i Reddit publikoi një pamje kamera sigurie në platformën popullore dhe tronditi njerëzit.

Pamjet janë regjistruar gjatë natës në shtëpinë e tij dhe shumë po e këshillojnë që të largohet sa më shpejt.

Në videon prej disa sekondash, shohim një dhomë dhe diçka që duket si një “figurë”, duke zbritur shkallëve. Duket se përbëhet vetëm nga koka dhe këmbët.

“Sensorët e mi të lëvizjes janë përgjigjur më parë, por mbrëmë ishte ndryshe. Kamera e kapi këtë figurë, hije apo si të doni ta quani. Ajo po zbriste shkallët. Familja ime dhe unë kemi pasur ndjesinë e vëzhgimit më parë dhe jam i tmerruar. Ju lutemi ndihmoni”, ka shkruar ai.

[deleted by user]
by inParanormalEncounters

Ndërsa disa besonin se shtëpia ishte e përhumbur, të tjerë pohuan se ai e modifikoi pamjet, ose se kishte thjesht një gabim të kamerës.

“Prandaj nuk do të vendos kamera në shtëpi. E di që ndoshta është thjesht një anomali digjitale nga softueri që kompenson dritën e ulët. Por, më mirë të mos mendoj për këtë”, ka shkruar një përdorues.

Një tjetër shtoi: “Është e çuditshme për mua që ne mund të kemi prova reale të mbinatyrshmes, por duke qenë se është e lehtë të manipulosh videot dhe fotot, ndoshta nuk do ta dimë kurrë të vërtetën”.

Çfarë mendoni për këtë video? Na shkruani në komente. /Telegrafi/