Një javë pasi u zgjua nga koma – Ajaxi anulon kontratën e Abdelhak ‘Appie’ Nourit e cila do të rinovohej automatikisht në korrik

Ajaxi e ka anuluar kontratën e Abdelhak Nourit, i cili pësoi dëme serioze dhe të përhershme në tru pas një sulmi në zemër, në një ndeshje miqësore të këtij klubi në vitin 2017.

Ajaxi ka vazhduar të paguajë pagën e tij deri tani, por tani e kanë anuluar zyrtarisht kontratën, e cila do të zgjatej automatikisht në 1 korrik, shkruajnë mediat holandeze.

Klubi është në bisedime me familjen e Nourit për një zgjidhje të përhershme për lojtarin, i cili është zhvendosur në një dhomë të posaçme në shtëpinë e tij pas disa vitesh në spital,  shkruan De Telegraaf.

Ka pasur një mosmarrëveshje të gjatë mes Ajaxit dhe familjes së Nourit, të cilët janë në kërkim të një zgjidhje, pasi vetë klubi i Ajax e kishte pranuar më parë se lojtari ka pasur trajtim mjekësor “jo adekuat” në fushë kur u rrëzua gjatë miqësore ndaj Werder Bremen në korrik të vitit 2017 në Austri.

Lexo po ashtu Ylli i Ajaxit, Abdelhak Nouri zgjohet nga koma pas dy vitesh e nëntë muajsh

Pavarësisht se iu kthye jeta në fushë dhe u transmetua në spital me helikopter, ai pësoi dëme serioze dhe të përhershme në tru.

“Ne i dimë përgjegjësinë tonë dhe pasojat e kësaj”, kishte thënë menaxheri i përgjithshëm i Ajaxit, Edëin van der Sar në vitin 2018.

Klubi holandez kishte kërkuar një mendim të jashtëm për incidentin  dhe se a kishin vepruar në përputhje me rrethanat, por hetimet e mëtutjeshme treguan që një defibrilator është dashur për përdorej për të shmang atë që ka ndodhur.

This one is for you. ♥#nummer34 #StayStrongAppie pic.twitter.com/xg2XUQCilq

— AFC Ajax (English) (@AFCAjax_EN) May 15, 2019

Familja Nouri mund të marr një pagesë kompensimi prej 5 milionë euro, pasi Ajax e ka pranuar fajin për trajtimin e ofruan që ishte “i papërshtatshëm”.

Nuri, i lindur në Amsterdam nga prindërit marokenë, bëri 15 paraqitje për Ajax në sezonin 2016-17. Tani është 22 vjeç dhe është zjuar nga koma pas më shumë se dy vitesh.

/Telegrafi/