Juventusi e ka zhbllokuar rezultatin në pjesën e parë të ndeshjes që e zhvillon si mysafir te Udinese.
Duke e pasur të qartë se me fitore në këtë sfidë, Bianconerët do të shpalleshin kampionë për të nëntën herë radhazi, ata e filluan me dominim sfidën.
Pas disa tentativave të Zonjës së Vjetër, por edhe kundër reagimeve nga nikoqirët, Juve ia doli ta zhbllokonte rezultatin në minutën e 42-të.
Matthijs de Ligt e priti një top jashtë zonës shkoi përpara dhe goditja e tij e fuqishme u ndal në rrjetë.
Bardhezinjtë duhet ta menaxhojnë pjesën e dytë për ta fituar takimin dhe në këtë mënyrë do ta festojnë titullin për sezonin 2019/2020 që në këtë xhiro. /Telegrafi/
