Një dre hyn në një shtëpi në Wisconsin – mbetet i bllokuar për tre orë

Një çift nga Wisconsin tha se ata u tronditën kur një mysafir i padëshiruar hyri nga një derë xhami – mysafiri ishte një dre i rritur.

Çifti Sue dhe Richard Sujecki thanë se në momentin engjarjes ata ishin në shtëpinë e tyre në West Allis kur dëgjuan një përplasje të fortë dhe zbuluan se një dre kishte depërtuar në derën e tyre prej xhami dhe po kërkone ushqim dhomën e tyre të ndenjes.

“Nëse i tregoni dikujt, askush nuk mund të besojë se një dre i rritur është bllokuar brenda shtëpisë tuaj dhe nuk mund të dalë”, deklaroi Sue Sujecki, raporton UPI, përcjell Telegrafi.

Ata thanë se dreri vrapoi drejt katit të dytë, dhe hetoi çdo dhomë duke kërkuar për një dalje. Dreri u bllokua në shtëpinë e tyre për rreth tre orë, ndërsa çifti priste ndihmën e personelit të Departamentit të Burimeve Natyrore të Wisconsin.

“Me ndihmën e oficerëve të tjerë ne mundëm ta trembnim atë nga dhoma në të cilën ishte bllokuar dhe për shkak se i kishim të gjitha dyert e tjera të mbyllura, ne mundëm ta çonim atë përsëri në katin e parë dhe pastaj ta largojmë nëpërmjet derës së përparme”, tha Erik Anderson, zyrtar i Departamenti i Burimeve Natyrore.

Anderson deklaroi se dreri mund të jetë tërhequr në shtëpi nga një palë dekorime prej druri në formë të drerit në oborrin e çiftit. Ai shtoi se dreri mund të ketë parë reflektimin e tij në derën e xhamit dhe ka tentuar të nisë një zënkë. /Telegrafi/