Një bimë që mbahet në shumë shtëpi: Si rritet difenbahia?

Është shumë e njohur si bimë dhome për shkak të tolerancës së madhe ndaj temperaturave të brendshme

Diefenbahia i përket gjinisë së bimëve tropikale, ato janë të njohura për gjethet e tyre specifike të mëdha në kombinime të ndryshme të ngjyrave të gjelbër, krem dhe të bardhë.

Besohet se bima u emërua nga Heinrich Wilhelm Scott, drejtor i Kopshtit Botanik në Vjenë, për të përjetësuar kujtimin për kopshtarin Josef Dieffenbach, transmeton Telegrafi.

Kujdesi për difenbahian

Drita dhe difenbahia

Kjo bimë dhome është e njohur, sepse përshtaten shkëlqyeshëm në kushte shtëpie. Gjatë vegjetacionit, bima preferon dritën indirekte, ndërsa gjatë muajve të dimrit preferon dritën e fortë.

Ju përpiqeni ta rrotulloni bimën në mënyrë që rritja e saj të jetë e ekuilibruar, shkruan “The Spruce”.

Dheu për difenbahian

Përdorni një përzierje të drenazhuar të ajrosur mirë për saksi. Sigurohuni që drenazhimi të jetë i mirë për të mos dëmtuar rrënjët. Kurrë nuk duhet të lihen në dhé të lagësht.

Ujitja e bimës

Gjatë sezonit të rritjes, difenbahia pëlqen ujitjen e rregullt, ndaj sigurohuni që bima të mos jetë e thatë. Gjatë dimrit ju mund të reduktoni ujitjen. Sigurohuni që pjesa e sipërme e dheut të jetë plotësisht e thatë përpara ujitjes. /Telegrafi/