Ekspertët theksojnë se në rast të një “takimi nga afër” me një ari të zi, duhet të bëni zhurmë, të tundni duart dhe të përpiqeni ta trembni.
Aktori kryesor i videos së radhës, i quajtur Mike, vendosi për një taktikë tjetër, të cilën pavarësisht nga rezultati - ne nuk e rekomandojmë fare.
Në fillim shohim kafshën duke “pushtuar” një festë buzë liqenit dhe video është shfaqur në Instagram më 5 shtator.
Duket se është një oborr i hapur ku ka më shumë njerëz, duket se ka edhe fëmijë dhe Mike i lartpërmendur ka vendosur ta shohë “mysafirin e paftuar” jashtë pronës.
E drejton drejt portës, por ariu nuk dëshiron të dalë. Ai ia bëri të ditur burrit këtë duke e goditur në bark me putrën e tij.
Mirëpo, Mike është i vendosur ta “përzërë jashtë” dhe drejton gishtin drejt rrugës, sikur të ndiqte një qen, jo një grabitqar të rrezikshëm.
Kafsha përfundimisht u bind dhe u drejtua drejt koshave të plehrave aty pranë, dhe Mike ngriti këmishën e tij për të zbuluar shenja nga kthetrat që nuk ishin naive.
Videoja dyshohet se është regjistruar në Pensilvani, më saktësisht në pjesën pyjore të shtetit Poconos ku jeton një popullatë e madhe arinjsh të zinj.
E përsërisim edhe një herë, Mike ishte me fat që ariu nuk bëri asnjë lëvizje më agresive, sepse në atë rast kjo histori do të kishte qenë tragjike. /Telegrafi/
