Nisin votimet në SHBA: Biden fiton në një qytezë që ka pesë votues gjersa Trump në një me 26 votues

Dita e zgjedhjeve filloi zyrtarisht në SHBA, me hapjen e qendrave të para në dy qyteza të ndryshme të SHBA-së.

Qendra e votimit u hap në Dixville Notch dhe Millsfield në mesnatë 00:00, (6:00, sipas kohës sonë lokale), në përputhje me një traditë që nuk e prishi as pandemia e coronavirusit.

Ish-nënpresidenti, Joe Biden mori të pesë votat e hedhura për president në Dixville Notch, një qytezë e vogël e New Hampshirey, përgjatë kufirit SHBA-Kanada që është ndër vendet e para në vend për të bërë të njohur preferencën e saj presidenciale, raporton CNN.

Votimet u hodhën në minutat e para pas mesnatës, duke u bërë disa nga hedhësit e parë dhe të numëruara në Ditën e Zgjedhjeve.

 Sipas traditës, të gjithë votuesit me të drejtë vote mblidhen në “Dhomën e Votave” në vendpushimin Balsams të Dixville Notchit, për të hedhur votat e tyre sekrete sapo të hapen votimet në mesnatë.

Sapo të hidhet çdo votë, ato grumbullohen dhe rezultatet njoftohen – disa orë përpara çdo shteti, duke e bërë atë një vend të favorizuar për reporterët dhe vëzhguesit të etur për çdo aluzion për atë që do të vijë ditën e zgjedhjeve.

Pavarësisht vëmendjes, vendbanimi i pa inkorporuar në majën veriore të New Hampshire nuk është gjithmonë parashikues i fituesit përfundimtar. Në vitin 2016, qytetarët e Dixville Notchit votuan për kandidaten e atëhershme demokrate, Hillary Clinton, edhe pse i nominuari i atëhershëm për GOP, Donald Trump triumfoi në votat e Kolegjit Zgjedhor.

Në afërsi të Millsfield, gjithashtu u hap një qendër e votimit pas mesnate. Trump fitoi Millsfield 16-5 kundrejt Bidenit.

Pandemia, megjithatë, prishi planet për votimin e mesnatës në Vendndodhjen e Hart, një qytet më në jug dhe i zhytur në Malet e Bardha, thanë zyrtarët për WMUR. Të 48 votuesit atje mund të votojnë gjatë orëve normale të ditës sesa numërimit tradicional të votave të mesnatës. /Telegrafi/