Varroset Dijamant Zabërgja, viktimë e sulmit në Munih (Foto)

(E plotësuar)- Kufoma e 21 -vjeçarit, Dijamant Zabërgja, i cili u vra nga sulmi në Mynih të Gjermanisë, tashmë po pushon në varrezat e fshatit Ropicë të Komunës së Vushtrrisë.

Për t’i dhënë lamtumirën e fundit Dijamantit, përveç familjarëve, ishin mbledhur edhe qytetarë të shumtë, të cilët bashkëndjejnë dhimbje me familjarët e tij.

Familjarët e tij, sulmin në të cilin humbi jetën 21 vjeçari e kanë cilësuar si akt barbar, që u ka shkaktuar dhimbje të mëdha.

Përveç familjarëve e qytetarëve të shumtë, në varrim kanë marrë pjesë edhe krerë institucional, të cilët e kanë cilësuar vdekjen e të rinjve kosovar si tragjike.

Kryetari i Komunës së Prishtinës, Shpend Ahmeti tha se bashkëndjen dhimbje me familjarët.

I pranishëm në varrim ishte edhe ministri i Diasporës, Valon Murati, i cili tha se ngjarja në Mynih ishte tragjike, sidomos për familjarët e viktimave.

Nis ceremonia e varrimit të Dijamant Zabërgjes që u vra në Munih (Foto)

Ka nisur tashmë ceremonia e varrimit të Dijamant Zabërgjës, kosovarit që mbet i vrarë nga sulmi në afërsi të një qendre tregtare në Munih të Gjermanisë.

Shumë familjarë të tij kanë ardhur nga Gjermania dje, derisa në fshatin Ropicë të Vushtrrisë ku do të pushoj trupi i 21 -vjeçarit janë mbledhur shumë familjarë e shokë për t’i dhënë lamtumirën e fundit, raporton Indeksonline.