Ngrohja para stërvitjes kryhet në tre hapa të rëndësishëm – shirit vrapimi, shkallë dhe ergometër

Nëse keni vendosur të humbni kilogramët e tepërt, atëherë duhet të reduktoni sasinë e karbohidrateve

Sidoqoftë, nëse qëllimi juaj është të punoni në masë, atëherë sasia e karbohidrateve duhet të rritet.

Shumëllojshmëria është një shenjë e trajnimit të kryer mirë dhe efektiv, jo orët e shpenzuara duke bërë të njëjtin ushtrim.

Prof. Michael Maina nga Universiteti i Roanoke në SHBA këshillon që të kaloni pesë minuta në shirit vrapimi, dhe të njëjtën kohë në shkallë dhe ergometër, në mënyrë që të ngroheni mirë dhe me efikasitet, transmeton Telegrafi.

Kapërcimi i ngrohjes para stërvitjes jo vetëm që rrit mundësinë e lëndimit, por gjithashtu mund të shkaktojë mungesë rezultati.

Nëse lëndoheni, nuk do të përparoni me shpejtësinë e dëshiruar, ndaj mos e kapërceni ngrohjen para stërvitjes. Ushqimi mund t’ju largojë lehtësisht nga arritja e qëllimeve tuaja.

Nëse keni vendosur të humbni kilogramët e tepërt, atëherë duhet të reduktoni sasinë e karbohidrateve. Megjithatë, nëse qëllimi juaj është të punoni në masë, atëherë sasia e karbohidrateve duhet të rritet.

Gjithashtu, harroni telefonin tuaj celular dhe bisedat. Nëse e keni celularin në duar gjatë gjithë kohës, pa e ditur do të bëni pushime shumë të gjata mes seteve dhe trupi juaj do të ftohet. E njëjta gjë do të ndodhë nëse flisni shumë.

Dhe, gjumi është shumë i rëndësishëm. Hormoni i rritjes, i cili ndihmon në ndërtimin e muskujve dhe djegien e yndyrës, është më aktiv kur pushojmë dhe flemë. /Telegrafi/