Ngjarjet kryesore të vitit 2014 në sport (FOTO)

Pranimi i disa federatave sportive të Kosovës në federata përkatëse evropiane e botëror, zhvillimi i ndeshjeve miqësore të përfaqësues së Kosovës në futboll nën monitorimin e FIFA-së, shkëlqimi i Majlinda Kelmendit, si dhe pranimi me drejta të plota të Komitetit Olimpik të Kosovës (KOK) në Komitetin Olimpik Ndërkombëtar (KON), por pa harruar as ngjarjen në ndeshjen ndërmjet Serbisë dhe Shqipërisë, ku flamuri kombëtaren fluturoi mbi Beogradin, janë top-ngjarjet që e karakterizuan vitin që është në ikje në rrafshin vendor.

Ndërsa, në arenën ndërkombëtare shkëlqimi vjen nga Gjermania që triumfoi në Kupën e Botës ‘Brazili 2014’, derisa Real Madridi rrëmbeu Ligën e Kampionëve, Superkupën e Evropës dhe Kupën e Klubeve të Botës.

Zhdrella, numër NJË – Prishtinë, 6 Janar 2014

Ngjarjet kryesor të vitit që është në ikje me shpalljen e futbollistit më të mirë në vendin tonë. Ish mesfushori i Hysit, Mentor Zhdrella ishte zgjedhur futbollisti më i mirë për vitin 2013. Zhdrella, i cili tani është pjesë e Prishtinës, fiton për herë të katërt çmimin e lojtarit më të mirë në futbollin tonë në Kosovën e pasluftës.

FIFA i thotë PO Kosovës – Zurich, 13 Janar 2014

Janari i ftohte sjell një lajm të ‘nxehtë’ për futbollin tonë. Federata Ndërkombëtare e Futbollit (FIFA), me 13 janar pranon Kosovën të luajë ndeshje miqësore ndërkombëtare. Komisioni për çështje urgjente i Federatës ndërkombëtare të futbollit kishte aprovuar kërkesën e FFK-së, pas dy takimeve mes krerëve të futbollit kosovar, atyre serb (FSS) dhe presidentit të FIFA-së, Sepp Blatter.

Ronaldo fiton ‘Topin e Artë’ – Zurich, 13 Janar 2014

Ylli i Real Madridit, Cristiano Ronaldo zgjidhet futbollisti më i mirë për vitin 2013. Federata Ndërkombëtare e Futbollit (FIFA), më 13 janar në një gala mbrëmje në Zurich kishte bërë ndarjen e çmimeve për më të mirët e vitit 2013, ndërsa ‘Topin e Artë’ e fiton sulmuesi portugez, i cili kishte treguar një super sezon. Ronaldo kishte fituar këtë çmim në konkurrencën e ngushte me Lionel Messin e Barcelonës dhe Franck Ribery-n e Bayern Munich.

Majlinda shkëlqen në Paris, rrëmben medaljen e artë – Paris, 8 Shkurt

Kampionia e botës në xhudo, vitin 2014 e ka nisur me shkëlqimin në turneun Grand Slam ‘Parisi 2014’.

Majlinda kishte fituar medaljen e artë në këtë turne prestigjioze, pasi që në finale mundi xhudisten nga Finlanda, Jaana Sundberg, në kategorinë deri në 52 kg.

Kosova shkruan historinë – Mitrovicë, 5 Mars 2014

5 Marsi është futur në analët e historisë së futbollit tonë. Përfaqësuesja e Kosovës në Futboll, zhvilloi ndeshjen e parë ndërkombëtare nën monitorimin e FIFA-së kundër Haitit, ndeshje kjo që tashmë quhet historike.

Në një atmosferë fantastike në stadiumin olimpik ‘Adem Jashari’ Kosova në miqësoren e parë ndërkombëtar kundër Haitit luajti baras pa gola. Rezultati ishte në plan të dytë, por ajo që ishte e rëndësishme është fakti se futbolli ynë nisi një etapë të re.

Majlinda e para – Montpellier, 26 prill

Krenaria e sportit të Kosovës, Majlinda Kelmendi pas suksesit në Grand Slam ‘Parisi 2014’, nuk vonoi shumë dhed në prill arriti një tjetër sukses të madhe.

Xhudistja pejanë ishte shpallur xhudistja më e mirë në Evropë për vitin 2013. Federata Evropiane e Xhudos (EJU) shpalli Majlindën më të mirë në Kontinentin e Vjetër.

Majlinda këtë epitet e kishte fituar pas triumfit në Kampionatin Evropian që u mbajt në Francë, e që kishte fituar medaljen e artë.

Llamkos Kosova kampion – Prishtinë, 24 maj

Llamkos Kosova në muajin maj arriti të shkruaj historinë. ‘Gladiatorët’ të drejtuar nga Ismet Munishi arriti titullin e kampionit, duke treguar formë të shkëlqyer gjatë gjithë sezonit.

Reali sundon Evropën – Lisbonë, 24 maj

Real Madrid është skuadra kampion e Evropës, pasi që finalen e Champions League-s mundi rivalin e qytetit, Atletcion Madridin me rezultat 4-1, në Lisbonë.

Ballafaqimi mes dy skuadrave të mëdha madrilene ishte përshkruar më një super ndeshjes nga futbollistët e të dy skuadrave.

Skuadra e Diego Siemones deri në minutën e 92 ishte në epërsi me golin e Diego Godin, mirëpo ishte Ramos që kishte barazuar shifrat në 1-1, duke e rikthyer në lojë skuadrën e Carlo Anceolttin.

Ndërkohë, në lojën shtesë ‘merengues’ u treguan ekip më mirë duke shënuar edhe tre gola. Fillimisht Bale në minutën e 110 kishte kaluar Realin në epërsi prej 2-1, derisa braziliani Marcelo shtatë minuta më vonë kishte shënuar golin e tretë dhe të sigurisë për Realin.

Ndërkaq, në minutën e 120, Cristiano Ronaldo nga pika e bardhë kishte realizuar golin e katërtë për Realin, skuadër kjo që hynë në histori pasi që bëhet skuadra e parë që fiton trofeun e dhjetë të Ligës së Kampionëve.

Sigal Prishtina rikthen titullin – Prishtinë, 29 maj

Fundi i muajit maj ishte jashtëzakonisht i suksesshëm për Sigal Prishtina. Kryeqytetasit u shpallen kampion të Kosovës, pasi kishin mposhtur Pejën në ndeshjen e tretë për finale. Titulli i kampionit solli festë të madhe në kryeqytet, e cila kishte zgjatur deri në orët e mëngjesit.

Ferronikeli rrëmben Kupën e Kosovës – Prishtinë, 7 qershor

Ferronikeli ka shkruar historinë e re në futbollin tonë. Skuadra nga Drenasi për herë të parë në historinë e klubit ka rrëmbyer trofeun e Kupës së Republikës së Kosovës.

Ferronikeli në ndeshjen finalen të Kupës së Kosovës kishte mposhtur Hajvalinë më rezultat 2-1.

Mehmedi shkruan historinë, shqiptari i parë që shënon gol në Botëror – Sao Paulo, 15 qershor

Sulmuesi Admir Mehmedi, do ta mbajë gjatë në kujtesë vitin 2014. Sulmuesi shqiptar i Zvicrës është shqiptari i parë që në historinë e popullit shqiptar ka shënuar gol në Kampionatin Botëror.

Mehmedi kishte realizuar gol në barazimin e shtetit helvetik kundër Ekuadorit, takim i luajtur në kuadër të Grupit E në Kupën e Botës ‘Brazili 2014’.

Gjermania ‘pushton’ botën – Rio De Janiero, 13 Korrik

Kombëtarja e Gjermanisë e cila drejtohet nga Joachim Loë, ka arritur të triumfojë në Kupën e Botës ‘Brazili 2014’.

‘Pancerat’ dolen kampion të botës pasi që finalen e Botërorit 2014, mundën Argjentinën me rezultat 1-0, me golin që e kishte realizuar Mario Gotez pas lojës në vazhdim pasi që koha e rregullt ishte mbyllr pa gola. Gjermania pas 24 vjetësh rikthen trofeun më të madhe në futbollin botëror.

Shkodran Mustafi, shqiptari i parë që fiton Kupën e Botës – Rio De Janiero, 13 Korrik

Histori në vitin që është në ikje, ka bërë edhe mbrojësti shqiptar i Gjermanisë, Shkodran Mustafi.

Anëtari i Valencias, ka hyrë në histori, sepse është shqiptari i parë që fiton Kupën e Botës.

Mbrojtësi shqiptar për shkak të lëndimit nuk ishte pjesë e finales në mes Gjermanisë dhe Argjentinës (1-0), megjithatë, Mustafi kishte dhënë kontribut të çmueshëm në dy fitoret e para të “Pancerave” Botërorin 2014.

Super Reali, Super Ronaldo ‘pushtojnë’ Evropën – Cardiff, 12 Gusht 2014

Real Madrid e kishte nisur furishëm këtë sezon të ri të garave, duke fituar trofeun e Superkupës së Evropës, pasi që në ‘Cardiff’ kishte mundur Sevillan (2-0).

Klubi “mbretëror” pasi suksesit që kishte arritur në Champions League, rrëmbeu edhe Superkupën e Kontinentit të Vjetër, falë dy golashit të super yllit Cristiano Ronaldos.

Majlinda Kelmendi ‘shkel’ Rusinë – Moskë, 26 Gusht

26 gushti, është futur në analet e historisë së sportit të Kosovës. Krenaria e sportit të vendit tonë, Majlinda Kelmendi, kishte mbrojtur titullin e kampiones së botës në Xhudo.

Xhudistja pejanë kishte “shkel” Rusinë duke shkëlqyer në Botërorin që u mbajt në muajin gusht në Rusi.

Majlinda Kelmendi kishte rrëmbyer medaljen e artë duke mundur në finale rumunen Andrea Chitu.

Xhudistja pejanë me paraqitjet e saj brilante në Rusi, i bëri krenar gjithë shqiptarët ku do që janë.

Ronaldo “mbret” i Evropës – Monaco, 27 Gusht

Ylli i Real Madridit, Cristiano Ronaldo, ishte zgjedhur futbollisti më i mirë në Evropë nga UEFA.

Asi portugez fitojë sfidën kundër dyshes së Bayern Munich, Arjen Robbenit dhe portierit Manuel Neuer. Kujtojmë se Ronaldo në janar kishte fituar edhe çmimi e “Topit të Artë”.

Ndërkaq, në konkurrencën e femrave epitetin e lojtares me të mirë të Evropës e kishte fituar Nadine Kessler, e cila pas Martina Muller dhe Nilla Fischer.

Kosova prek fitoren e parë – Prishtinë, 7 Shtator
Viti 2014 do të mbete në histori edhe për sportin numër një, futbollin. Përfaqësuesja e Kosovës në fillim të muajit shtator kishte arritur fitoren e parë ndërkombëtare nën monitorimin e FIFA-së, duke mundur Omanin me rezultat 1-0, në kryeqytet.

Golin e fitores së parë të përfaqësues sonë e kishte shënuar Imran Bunjaku nga pika e bardhë në minutën e 84.

Droni ‘dridh’ Beogradin – Beograd, 14 tetor

Një nga ngjarjet e rëndësishme të kij viti padyshim se ishte edhe ndeshja në mes Serbisë dhe Shqipërisë.

Kjo ndeshje e cila ishte me peshë të madhe politike ishte ndërprerë në minutën e 41-të, për shkak serbët sulmuan futbollistët e Shqipërisë.

Kjo ndeshje e cila kishte nisur më shumë tensione kishte përfunduar para kohë, dhe incidenti nis kur flamuri kombëtar fluturoi mbi stadiumin e Partizanit të Beogradit.

Kuqezinjtë e mbrojtën në mënyrën më të mirë të mundshme flamurin kombëtar, e më pas kishte nisur përleshja mes lojtarëve, e në këtë përleshje futbollistët shqiptar u sulmuan nga gjitha anët.

Kosova pranohet në Komitetin Olimpik Ndërkombëtar – Prishtinë, 22 tetor

Mesi i muajit tetor sjell lajmin e shumë pritur për Kosovën. Kosova edhe zyrtarisht pranohet në Komitetin Olimpik Ndërkombëtar.

Kosova me të drejta të plota në KON – Monaco, 9 dhjetor

Dhe nuk vonoi shumë. Kosova merr një tjetër lajmë të mirë. Komitetit Olimpik i Kosovës (KOK) zyrtarisht më 9 dhjetor ishte pranuar në Komitetin Olimpik Ndërkombëtar më drejta të plota.

Vendimi ishte marrë në kongresin e KON-it i cili u mbajt në Monako. Komiteti Olimpik i Kosovës është themeluar në vitin 1992 dhe inkorporon më shumë se 30 federata kombëtare, 13 nga të cilat janë federata të pranuara ndërkombëtarisht.

Pranimi i KOK-ut në KON më drejta të plota i hap rrugën sportistëve tonë që të jenë pjesë të Lojërave Olimpike ‘Rio 2016’. /KP/Telegrafi/