Nga partia e Boshkoskit bëjnë thirrje që të rinjtë të dalin në referendum

Nga partia “Të Bashkuar për Maqedoninë” mbështesin marrëveshjen për zgjidhjen e kontestit për emri dhe u bënë thirrje qytetarëve, veçanërisht të rinjve, që të dalin në referendum për të ardhmen e Maqedonisë evropiane, përcjell Telegrafi Maqedoni.

“Kryetari i Të Bashkuar për Maqedoninë në seancën e djeshme ka marr vendim që ta mbështes marrëveshjen për zgjidhjen e kontestin për emrin. Vlerësimi i Kryetarit është që të jepet mundësi për të ardhmen më të mirë të të rinjve dhe gjeneratave të cilat vinë, nëpërmjet bërjes së kushteve për anëtarësim të vendit tonë në integrimet euroatlantike”, thonë nga “Të Bashkuar për Maqedoninë”.

Nga atje gjithashtu theksojnë se me shtesën “Veriore” nuk do të humbet identiteti i shtetit, por as edhe përcaktime esenciale.

“Të Bashkuar për Maqedoninë” paralajmërojnë se me vëmendje do ta ndjekin realizimin e marrëveshjes dhe se me veprimet e tyre do të kontribuojnë, siç thonë ata, në realizimin e të frymës së themeleve të partisë që nesër me të vërtet të bëhemi, anëtare e barabartë e BE-së dhe NATO-s. /Telegrafi/