Neymar shpërthen në lot kur e kupton se sa afër është që ta thyejë rekordin e Peles

Neymar shpërtheu në lot gjatë një interviste emocionuese pas fitores bindëse të Brazilit në Kupën e Amerikës ndaj Perusë.

Sulmuesi 29-vjeçar shënoi golin e tij të 68-të me kombëtare kundër skuadrës së Ricardo Gareca në ballafaqimin e Grupit A – që do të thotë se ai është vetëm nëntë gola prapa sulmuesit legjendar Pele në listën e golashënuesve më të mirë të të gjitha kohërave te Brazili.

Ishte një moment i veçantë për lojtarin e Paris Saint-Germain , i cili bëri paraqitjen e tij të 107 për Seleçaot kundër La Blanquirroja.

Pas ndeshjes, ai filloi të qante kur e kuptoi se sa afër është ta thyejë rekordin e Peles.

“Është duke lëvizur për mua [për t’iu afruar rekordit të Peles], unë kam kaluar shumë gjëra gjatë këtyre dy viteve të fundit”, ka thënë Neymar.

“Këto numra [të golave] nuk janë asgjë më shumë sesa gëzimi im për të luajtur për Brazilin, duke përfaqësuar vendin tim, familjen time. Ne të gjithë po kalojmë një moment shumë të çuditshëm, një moment shumë të vështirë në Brazil dhe në mbarë botën”.

Entrevista do Neymar após o fim do jogo, completamente emocionado em vestir a camisa da seleção, valorizem enquanto tem tempo! ❤️🇧🇷pic.twitter.com/GTj0qGahrN

— njdeprê – marlon (@njdmarlon) June 18, 2021

“Të jem një model për dikë, t’i bëj njerëzit të lumtur, kjo më jep gëzim. Unë e dua historinë që po shkruaj këtu, dua që familja dhe miqtë e mi të jenë krenarë”.

“Shpresoj që të gjithë ata që e duan këtë lojë, janë krenarë për mua, sepse këto shifra nuk do të thonë asgjë, vetëm krenaria e përfaqësimit të Brazilit”, ka përfunduar lojtari.

Pele, i cili vlerësohet gjerësisht si lojtari më i mirë ndonjëherë i Brazilit, shpejt reagoi ndaj fjalëve emocionuese të Neymar me një postim në faqen e tij zyrtare në Instagram.

View this post on Instagram

A post shared by Pelé (@pele)

“Sa herë që e shoh këtë djalë, ai është duke buzëqeshur”, ka shkruar 80-vjeçari. “Është e pamundur të mos buzëqeshësh”.

“Unë, si të gjithë brazilianët, jam gjithmonë i lumtur kur e shoh atë duke luajtur. Sot, ai bëri një hap tjetër drejt rekordit tim të shënimit të golave ​​për Selecaot. Dhe unë po dua që ai të shkojë atje, me të njëjtin gëzim që kam pasur që nga ajo kohë kur e pashë për herë të parë duke luajtur”, ka shkruar legjenda e futbollit në rrjetin social. /Telegrafi/