Neymar rrezikon ta acarojë Mbappen me postimin e fundit në rrjetet sociale

Neymar ka rrezikuar të zemërojë Kylian Mbappen me një postim që përgëzon bashkëlojtarin e Paris Saint-Germain, Lionel Messin për fitimin e Kupës së Botës.

Argjentinasi dhe francezi shkuan ballë për ballë në skenën më të madhe të futbollit botëror të dielën, me Argjentinën që përfundimisht mbizotëroi me penallti në finalen e Kampionatit Botëror.

Të dy lojtarët luajtën një rol të madh në lojë, me Messin që shënoi dy herë, ndërsa Mbappe realizoi një het-trick. Ata gjithashtu të dy i konvertuan me sukses penalltitë e tyre në ekzekutimin e tyre.

Megjithatë, ishte Messi ai që po festonte në fund të ndeshjes dhe Neymar shkroi në Twitter: “Urime vëlla”, së bashku me një foto të Messit me trofeun e Kupës së Botës.

Neymar nuk ka postuar asnjë mesazh ngushëllimi për Mbappen, gjë që mund ta ketë zemëruar edhe më shumë 23-vjeçarin.

Neymar kishte synuar të përfshihej vetë në finale, por Brazili u eliminua në penallti kundër Kroacisë në çerekfinale.

Messi, Neymar dhe Mbappe formojnë një treshe të frikshme për PSG-në, por jo gjithmonë ka pasur një marrëdhënie harmonike mes tyre. /Telegrafi/

Felicidades Hermano 👏🏽 #leomessi pic.twitter.com/5XClpQf15y

— Neymar Jr (@neymarjr) December 18, 2022