Nëna e Xheneta Gashit nuk e pranon ndihmën e komunës – kërkon drejtësi (Video)

Dhembja e madhe për vajzën e humbur dhe deklaratat që u dhanë nga autoritetet e Prizrenit, nuk po e lejojnë Lirie Gashin që tani të pranojë një ofertë nga kuvendi komunal, njofton Klan Kosova.

Nëna e trevjeçares Xheneta, që javën e kaluar humbi jetën nga rrënimi i një objekti në zonën historike, refuzon propozimin që kësaj dhe vëllait binjak të Xhenetës t’i ndërtohet një shtëpi.

Klan Kosova pati kontaktuat një ditë më herët me inspektoren e Komunës që akuzohet nga nëna e Xhenetës, por ajo ka refuzuar të deklarohet për rastin. Ndërkohë, Lirie Gashi e demanton edhe drejtorin e emergjencave, Bedrija Ejupgaiq, i cili i tha televizionit se ajo nuk është banore e Prizrenit.

Pasi nga komuna nuk dëshiron gjë veç përballjës në gjykatë, e ëma e së ndjerës kërkon ndihmë nga qytetarët vullnetmirë.

Ndërkohë, në mbështetje të saj dhe në kërkim të llogarisë së drejtuesve komunalë të Prizrenit, të mërkurën do të zhvillohet një protestë nga organizata të ndryshme joqeveritare. Aty, përveç dorëheqjes së kryetarit të Prizrenit, do të kërkohet edhe largimi i ministrit të Kulturës dhe atij të Planifikimit Hapësinor. /Klan Kosova/

https://youtu.be/PkIV13FvdGk