Nëna e Lady Gagas rrëfen për depresionin e vajzës së saj

Këngëtarja e famshme, Lady Gaga, është përfolur shumë për shëndetin mendor. Ajo i frymëzoi fansat me rrugëtimin e saj që nga fëmijëria, kur ngacmohej nga bashkëmoshatarët e deri kur u shndërrua në yllin me famë botërore dhe në fituesen e çmimeve të shumta.

Në fillimin e betejës së saj me ankthin dhe depresionin, ajo ishte thjesht një fëmijë i zakonshëm që kishte nevojë për nënën e saj.

Lexo po ashtu "Kurrë nuk do të bëhesh e famshme" - kur ishte në universitet, ishte formuar një grup kundër Lady Gagas

“Si prind nuk isha e gatshme ta përballoja këtë. Ajo kaloi kohë të vështira, e poshtëruar, përhumbur, e izoluar. Nga një vajzë e re e lumtur dhe frymëzuese u shndërrua në dikë që filloi të vinte në dyshim vlerësimin për veten”, ka deklaruar nëna e Gagas, Cynthia Germanotta, për programin televiziv CBS This Morning.

Në vitin 2012, këngëtarja së bashku me të ëmën bashkë themeluan fondacionin “Born This Way” që ua jep mundësinë të rinjve të praktikojnë shëndetin mendor dhe emocional.

Germanotta u siguron të tjerëve mjete dhe këshilla për të ndihmuar të dashurit e tyre që vuajnë si vajza e saj dikur, përcjell Atsh.

Të gjithë të ftuarit në program vendosën fjongo me ngjyrë të gjelbër, në shenjë solidariteti për të dërguar mesazhin se “është normale të mos jesh mirë”. /KP/