Nehat Thaçi pezullohet nga detyra e drejtorit të SHKK-së

Zëvendësministri i Drejtësisë, Blerim Sallahu ka njoftuar se Drejtori i Përgjithshëm i Shërbimit Korrektues të Kosovës, Nehat Thaçi është pezulluar nga detyra.

Përmes një postimi në Facebook, Sallahu ka thë3në se kanë pranuar sot vendimin e Këshillit Shtetëror për Vlerësim dhe Disiplinë.

“Sot, kemi pranuar vendimin e Këshillit Shtetëror për Vlerësim dhe Disiplinë për pezullimin nga detyra të z. Nehat Thaçi – Drejtor i Përgjithshëm i SHKK-së”, shkruan Sallahu.

Tutje, Sallahu ka shtuar se do të presin ftesat e Këshillit për të prezantuar fakte për kërkesën që Thaçi të shkarkohet nga pozita e tij.

“Ditëve në vijim presim ftesat nga KShVD për prezantimin e fakteve tona që e mbështesin kërkesën tonë për shkarkimin e z.Thaçi nga pozita e Drejtorit të Përgjithshëm të SHKK-së”, shkruan Sallahu.

Lexo po ashtu Keqpërdorime në Shërbimin Korrektues të Kosovës, nisin procedurat për shkarkimin e Nehat Thaçit

Rreth një muaj më parë, ministrja e Drejtësisë, Albulena Haxhiu në një konferencë për media ka thënë se do të nisin procedurat për shkarkimin e drejtorit të Shërbimit Korrektues të Kosovës, Nehat Thaçi.

Kurse disa ditë pas konferencës, zëvendësministri i Drejtësisë, Blerim Sallahu ka bërë të ditur se kanë dorëzuar kallëzim penal kundër ish-ministrit, Selim Selimi dhe drejtorit të Shërbimit Korrektues të Kosovës, Nehat Thaçi.

Lexo po ashtu Kallëzim penal kundër ish-ministrit Selimi dhe drejtorit të SHKK-së, Nehat Thaçi

Përmes një postimi në Facebook, Sallahu ksihte njoftuar se po ashtu njëanshëm kanë anuluar “kontratën kriminale përmes së cilës  persona të papërgjegjshëm kanë dhënë në shfrytëzim pronën e Ministrisë së Drejtësisë, personit juridiko privat pa asnjë bazë ligjore, gjithsej 2 hektarë e 12 ari e 17 metra katror”. /Telegrafi/