Nedved: Juventusi ka bërë ofertën e duhur për Locatellin, jemi të bindur se kjo është e duhura

Pavel Nedved këmbëngul se Juventusi bëri një ofertë për mesfushorin e Sassuolos, Manuel Locatelli, që është e përshtatshme për klimën aktuale.

Bianconerët kanë pasur disa takime me Sassuolon për italianin, i cili anuloi propozimet më të mëdha nga Arsenali dhe potencialisht edhe Liverpooli, pasi ai e ka zemrën të vendosur tek Zonja e Vjetër.

“Ne folëm me Sassuolo dhe bëmë ofertën tonë, e cila besojmë se është e përshtatshme për klimën aktuale, me mënyrën se si financat dhe tregu i transferimeve janë prekur nga Covid-19”.

Lexo po ashtu Drejtori i Sassuolos, Carnevali: Locatellin e do Juventusi dhe dy klube angleze  

“Jemi të bindur se kjo është një ofertë e mirë dhe është e drejtë. Jemi gjithmonë të sigurt, natyrisht në negociata ka gjëra që duhet të sqarohen dhe zgjidhen. Kur doni një lojtar dhe ai lojtar ju dëshiron, është e qartë”, ka thënë Nedved për Sport Mediaset.

Besohet se Juventusi e do Locatellin si huazim me detyrim blerje për një total prej rreth 30-35 milionë eurosh.

Lexo po ashtu Juve ka caktuar takim me Sassuolon për të arritur marrëveshje për Locatellin

Kjo është dukshëm më pak se 40 milionë euro plus 5 milionë euro bonus që ofroi Arsenali, por Locatelli e ka bërë të qartë pozicionin e tij.

Sidoqoftë, Sassuolo ka paralajmëruar se ata me kënaqësi do ta mbajnë italianin 23-vjeçar nëse nuk arrin një ofertë e përshtatshme. /Telegrafi/