Në Turqi po cilësohet si ‘shkëmbimi i vitit’ – Galatasaray ofron sulmuesin Mohamed për Vedat Muriqin

Galatasaray është i interesuar të rivalizojë me Fenerbahcen për shërbimet e sulmuesit të Kosovës dhe Lazios, Vedat Muriqi, për të cilin ka gati një ofertë shkëmbimi.

E ardhmja e yllit të Kosovës vazhdon të mbetet e paqartë të Lazio, pasi nuk ka arritur të ambientohet totalisht në Serie A dhe nuk po gëzon formën që jemi mësuar ta shohim në Turqi.

Një largim i tij nga klubi italian ka qenë temë e përfolur shumë gjatë muajve të fundit dhe vazhdon ende të mbetet.

Lexo po ashtu Muriqi flet për fitoren ndaj Lituanisë, thashethemet rreth Fenerbahces dhe të ardhmen me Lazion

Edhe vet sulmuesi prizrenas u pyet mbrëmë (e mërkurë) pas fitores së Kosovës ndaj Lituanisë për të ardhmen e tij, teksa nuk mohoi një largim.

Deklarata e tij si duket ka bërë që klubi turk, Galatasaray të interesohet për transferimin e Muriqit në Stamboll.

Sipas mediave turke, Galatasaray dëshiron të fitojë garën me rivalët e Fenerbahces për Muriqin, duke ofruar një shkëmbim të madh, i cili po cilësohet si ‘shkëmbimi i vitit’ në Turqi, përcjell Telegrafi.

💥 Galatasaraylı Mostafa Mohamed için flaş bir takas teklifi gündemde!

📌Beklentilerin altında kalan Vedat Muriqi yerine forvet arayışlarına başlayan Lazio'da sportif direktör Tane, Mısırlı oyuncu için Galatasaray'ın kapısını çalacak.https://t.co/g8C9NgEKRV

— Fotomaç (@fotomac) March 25, 2021

Galatasaray është gati të ofrojë shërbimet e sulmuesit egjiptian, Mostafa Mohamed për Muriqin, me sulmuesin e turqve që ka shënuar pesë gola në tetë takime në Superligën e Turqisë.

Vera e këtij viti pritet të qartësojë edhe më shumë të ardhmen e prizrenasit dhe një largim nga Lazio nuk është i pamundur. /Telegrafi/

https://www.youtube.com/watch?v=Nzk79OLHMOQ