Në ndejën verore të partisë së Olaf Scholzit, nëntë gra u droguan

Të paktën nëntë gra që morrën pjesë në një ndejë të organizuar nga Partia Social Demokrate e Gjermanisë (SPD), e cila përfshinte kancelarin Olaf Scholz, u droguan me një substancë të njohur si “drogë përdhunimi”.

Zëdhënësi i grupit parlamentar të partisë konfirmoi shkrimin e të përditshmes së Berlinit, Tagesspiegel dhe shtoi se deri më tani janë konfirmuar nëntë viktima.

Policia e Berlinit tha se po hetonte lëndimet e rënda trupore pasi një grua 21-vjeçare kishte bërë një ankesë, transmeton Telegrafi.

Wir sind alle entsetzt über diesen unglaublichen Vorgang und werden alles in unserer Macht stehende tun, um das aufzuklären. Allen die es betrifft, empfehle ich, dies anzuzeigen. Und natürlich ist die @spdbt-Fraktionsspitze für die Betroffenen jederzeit ansprechbar. https://t.co/5xudSnzr6l

— Katja Mast (@KatjaMast) July 8, 2022

“Të gjithë jemi të tmerruar nga kjo ngjarje e pabesueshme dhe do të bëjmë gjithçka që është në fuqinë tonë për ta zbardhur atë. Unë u rekomandoj të gjithë atyre që janë prekur të raportojnë rastet”, ka shkruar në Twitter një nga drejtueset e SPD-së, Katja Mast.

Në një email dërguar pjesëmarrësve të asaj feste verore të mbajtur të mërkurën, SPD dënon “aktin e tmerrshëm që u raportua menjëherë në polici”, raporton dw.

Ai përfshinte ligjvënës të SPD-së nga niveli kombëtar dhe vendor, stafin e tyre dhe të ftuarit. I pranishëm ishte edhe kancelari gjerman.

Ndryshe, raportohet se të pranishëm ishin rreth 1,000 njerëz dhe ky ishte një numër i vogël i pjesëmarrësve shkaku i kufizimeve të pandemisë COVID-19. /Telegrafi/