Në llogarinë private të Fjolla Morinës në Facebook publikohet fotografi e saj nga pushimet një ditë pasi iu shqiptua paraburgimi 40 ditor

Gjykata Themelore e Prishtinës, Departamenti i Krimeve të Rënda, një ditë më parë ka shpallur vendimin për këngëtaren shqiptare, Fjolla Morina, pas arrestimit të saj të hënën.

Gjykata mori vendimin që këngëtarja të mbahet në paraburgim për 40 ditë deri në një vendim të radhës, e që mund të jetë ekstradimi në Shqipëri – ngase këngëtarja është e kërkuar nga autoritetet atje.

Por e çuditshme u cilësua fakti se si në llogarinë e saj private në rrjetin social Facebook të enjten u publikua një fotografi e saj.

Bëhet fjalë për një imazh të këngëtares me bikini në një pishinë, ku shihet në shoqërinë e vajzës së vogël, Alayah, në pushime.

Lexo po ashtu Gjykata Themelore i cakton masën e paraburgimit prej 40 ditësh Fjolla Morinës

Në fotografi gjithashtu janë cekur ora dhe dita e publikimit të fotografisë, duke ngjallur dyshimet nëse këngëtarja ka arritur ta bëjë një gjë të tillë edhe nga paraburgimi.

Nuk dihet nëse llogarinë në fjalë e kanë nën menaxhim edhe persona të tjerë që mund ta kenë publikuar fotografinë, e cila konfuzoi të enjten fansat e këngëtares.

Fjolla përndryshe është arrestuar nga Policia e Kosovës të hënën në mëngjes, pas një urdhër-arresti ndërkombëtar të lëshuar nga Interpoli, pasi e njëjta është e dënuar me gjashtë vite burg në Shqipëri për kryerjen e veprës penale “trafikim i armëve dhe municionit”. /Telegrafi/