Në këtë ditë të vitit 2006, Jens Lehmann tërhoqi ‘Fletën e mashtrimit’ nga çorapet e tij për mënyrën se si i gjuajnë penalltitë lojtarët e Argjentinës

Ishte vitit 2006 kur Gjermania kishte barazuar me Argjentinën 1-1 në Kupën e Botës dhe pas 120 minutash lojë, ishte koha për penalltitë.

Skuadra që drejtohej nga jose Pekerman kishte kaluar e para në epërsi me golin e Roberto Ayalas, që ishte asistuar nga Juan Roman Riquelme, por dhjetë minuta pa përfunduar takimi, Miroslav Klose kishte barazuar shifrat.

Dy kombëtaret nuk kishin arritur të shënonin më asnjë gol dhe përballja kishte shkuar në gjuajtjen e penalltive, aty ku lindi “Letra e mashtrimit” nga Jens Lehmann.

Portieri gjerman nxori nga çorapet e tij letrën ku shkruhej se si i gjuajnë penalltitë lojtarët e Argjentinës dhe kishte arritur saktë të parashikonte se ku do të hidheshin penalltitë.

Lehmann arriti të priste penalltinë e Esteban Cambiassos dhe atë të Roberto Ayalas, ndërsa letra ishte zbuluar pas takimit.

1# Riquele nga e majta lartë

2# Crespo një vrapim dhe gjuan djathtas, vrapim të shkurtër, gjuan majtas

3# Heinze gjuan poshtë

4# Ayala gjuan djathtas

5# Messi në të majtë

6# Aimar gjuan majtas lartë

7# Rodriguez në të majtë. /Telegrafi/