Në filmin ku Van Damme luan rolin e shqiptarit, aktron edhe djali i aktorit (Video)

“Kill ‘em all” është projekti filmik i lansuar së fundi, me regji të Peter Malotës, ku aktrojnë emra të njohur të kinematografisë së huaj.

Jean Cloud Van Damme është aktori në rolin kryesor që luan shqiptarin Filip Shala, i cili dëshiron të hakmerret për vrasjen e babait të tij nga serbët, shkruan lajmi.net.

Ai këtë vendim e mori pasi kur ishte i vogël babanë ia mbytën para syve të tij, teksa po luante me të.

Babai i “Filipit” kishte qenë gazetar dhe veprimtar politik, kur gangsterët serb iu vunë pas dhe e vranë.

E veçantë e këtij filmi është se Van Damme në këtë projekt luan bashkë me të birin e tij, Kris Van Damme, emri i plotë i të cilit është Christopher, i cili për dallim nga babai që luan rolin e shqiptarit Filip, ai luan rolin e një serbi me emrin Dushan, i cili lufton kundër tij, transmeton lajmi.net.

Madje në një nga skenat, Filipi përleshet me Dushanin të cilin edhe e vret, ky i fundit edhe pse i ri në këtë profesion arrin të luaj si një profesionist i vërtet, ashtu si babai që është tash e sa vite në skenë.

Do të thotë, temë qendrore në këtë film janë vrasjet që kanë bërë serbët kundër personave që kanë “luftuar” kundër gjenocidit që është bërë në ish-Jugosllavi, ashtu si rasti i vrasjes së babait të Filipit nga dora e serbit Petroviç që ushtronte detyrën e ministrit serb.