Në Argjentinë kërkohet rilargimi i Messit nga Kombëtarja  

Ylli i Barcelonës, Lionel Messi, ka marr kritika të mëdha në Argjentinë, ku kërkojnë largimin e tij nga Kombëtarja.

Humbja 3-0 e Argjentinës ndaj Kroacisë ishte një dështim edhe për yllin e kësaj skuadre, Leo Messin.

Kritikat në Argjentinë janë të ashpra dhe gazetari i mirënjohur Fernando Niembro kërkon që pesë herë fituesi i Topit të Artë të heqë dorë nga kombëtarja.

Lexo po ashtu Plot 679 minuta pa shënuar në një Botëror - Statistikat shokuese që tregojnë se Messi ishte "hije" ndaj Kroacisë!

“Messi, u largove nga kombëtarja përpara disa vitesh. Nuk do të ishte keq po ta bëje sërish”, është titulli i opinionit të Niembros, i cili kritikon Messin se është bërë zot i përfaqësueses duke zgjedhur miqtë e tij.

Gjithashtu, gazetari e kritikon Messin për faktin që nuk bën diferencën siç bën me Barcelonën, përcjell Top Channel.

Frazat më të rënda ndaj Leo Messit janë këto më poshtë:

“Messi u bë zot i kombëtares argjentinase. Është trajneri i skuadrës sonë dhe vendosi që të fusë në formacion miqtë e tij. Dhe ja ku e keni rezultatin. Një ekip pa forcë, një ekip i vyshkur, një ekip pa zemër”.

Lexo po ashtu Munishi: Trajneri i Kroacisë ia ndërpreu oksigjenin Messit, Kroacia është ekipi më i mirë taktikisht që kam parë ndonjëherë

“Messi, kërkojmë prej teje që të luash me zemër. Je lojtari më i mirë. Kur ekipi rrëzohet, më të mirit të skuadrës i kërkohet që të japë dhe atë që nuk ka”.

“Ti nuk e dhe. Boll më me mikun tënd Mascherano. Një herë e dhe dorëheqjen nga kombëtarja, nuk do të ishte keq që ta bëje sërish këtë gjë”.