Ata kanë qenë bashkë që kur filluan marrëdhëniet e tyre në qershor të vitit 2019.
Dhe Dua Lipa dëshmoi se është më e dashuruar me Anwar Hadid se kurrë më parë, ndërsa ndau me fansat në rrjetet sociale disa fotografi për të për të shënuar ditëlindjen e tij të 22-të të martën.
Këngëtarja 25 vjeçare, publikoi disa imazhe ku shihej me bukuroshin e saj, teksa shkroi në mbishkrimin e tyre: “Ti e bën botën time shumë më të mirë”, shkruan DailyMail.
Dua ndau disa çaste të çiftit gjatë gjithë marrëdhënies së tyre, me imazhe që e shfaqnin çiftin nëpër pushime.
Ndërsa një tjetër fotografi tregonte dyshen duke u relaksuar në shtrat me qenin e tyre të përkëdhelur Dexter.
Me një pamje të mëtutjeshme, interpretuesja e hitit “New Rules” ngulmon ëmbëlsisht faqen e të dashurit të saj.
Me titullin e postimit romantik, ajo shkroi: “Urime ditëlindjen bebe, një tjetër xhiro rreth diellit ... ti e bën botën time shumë më të mirë”.
“Jam me fat që të dua dhe jam në dashuri me ty. Dexter është shumë me fat dhe të do ty shumë, mezi pres të festoj me ju sot”, shkroi ajo më tutje.
Dua dhe vëllai i vogël i motrave modele Bella dhe Gigi Hadid filluan lidhjen në qershor të vitit 2019 dhe u kanë dhënë fansave një paraqitje të shkurtër të romancës së tyre në rrjetet sociale që nga ajo kohë.
Duke folur për romancën e saj me Anwar në një intervistë Rolling Stone, ylli me prejardhje nga Kosova tha: “Unë jam shumë komode në marrëdhënie, më shumë se çdo tjetër”.
Dua gjithashtu diskutoi se si çifti kaloi një pjesë të vitit 2020 duke u izoluar në fermën familjare të Anwarit në Pensilvani.
Këngëtarja pranoi se e donte ritmin e qetë të jetës dhe gjithashtu shfrytëzoi rastin për të përmirësuar aftësitë e saj në kalërim.
Dua i tha revistës rreth paraqitjes së përbashkët të çiftit në rrjetet sociale: “Ne kemi të gjitha këto kujtime dhe përvoja të mrekullueshme, dhe nëse ka diçka që duam ta ndajmë së bashku, atëherë në rregull kjo është kënaqësi”.
Ajo shtoi: “Por në të njëjtën kohë, ne jemi mjaft privatë - ne do t'ju tregojmë vetëm aq sa dëshirojmë të shihni”. /Telegrafi/
Foto: Dua Lipa/Instagram
