Manchester Unitedi është i vendosur të nënshkruajë me mbrojtësin Kalidou Koulibaly, por Napoli hodhi poshtë një propozim prej 90 milionë eurosh.
Reprezentuesi 27-vjeçar i Senegalit është nominuar për Çmimin lojtari më i mirë Afrikan i Vitit nga BBC, së bashku me yllin e Juventusit, Medhi Benatia.
Jose Mourinho është një admirues i madh i 'murit' të Napolit dhe është i etur për ta transferuar në Old Trafford.
Disa gazeta në Angli sugjerojnë se Koulibaly është prioriteti numër një i Manchester Unitedit për përforcimin e mbrojtjes.
Kalidou Koulibaly (Getty Images)
Megjithatë, gazeta La Repubblica në Itali pretendon se një ofertë prej 90 milionë euro erdhi nga Unitedi, por u refuzua menjëherë nga Napoli.
Koulibaly vetëm kohëve të fundit nënshkroi një kontratë të re me klubin italian, e cila e mban të lidhur deri në qershorin të vitit 2023.
Nëse mbrojtësi shtatlartë do të largohej, çmimi i tij do të ishte mbi 100 milionë euro.
Së bashku me Manchester Unitedin, për Koulibalyn ka edhe interes nga Real Madridi, Barcelona, Manchester City dhe Bayern Munich. /Telegrafi/
