Napoli nuk do të mund të përdorë fanellat me foton e Maradonas

Napoli nuk do mund të përdorë më imazhin e Diego Armando Maradonas në fanella pas një vendimi gjyqësor në favor të fëmijëve të legjendës argjentinase.

Pesë fëmijët e Maradonas hodhën klubin italian në gjyq pas një mosmarrëveshjeje ligjore me Stefano Cecin, ish-menaxherin e legjendës.

Skuadra ka veshur fanella që mbanin një imazh ‘gjurmë gishti dhe në të fytyrën’ e Maradonas, pas vdekjes së legjendës, pasi klubi kishte fituar të drejtat nga Ceci disa muaj para se argjentinasi të vdiste në nëntor 2020, ose të paktën kështu raportojnë mediet italiane.

Familja e Maradonas ndërmori veprime ligjore për të bllokuar shpërndarjen dhe përdorimin e imazhit në çfarëdolloj forme, përfshirë në fanella, dhe gjithashtu kërkoi sekuestrimin e të ardhurave në shumën prej 450,000 euro.

Gjyqtari i Gjykatës së Napolit, Paolo Andrea Vassallo tha se kontrata prej 23,000 euro e Cecit me Napolin ishte “e dëmshme për trashëgiminë pasurore” të fëmijëve të Maradonas në lidhje me përdorimin e imazhit të babait të tyre, “një simbol planetar i futbollit, i njohur kudo. Vlera ekonomike e përdorimit të imazhit duket të jetë e një rëndësie të konsiderueshme, pothuajse e paçmueshme”.

Shitja e 6,000 fanellave të Napolit që mbanin imazhin Maradonas solli 900,000 euro të ardhura bruto, me Ceci që mori 50% të të ardhurave pasi kishte nënshkruar një marrëveshje me fituesin e Kupës së Botës në gusht 2020.

Ndaj Cecit u vendos një masë e ndalese dhe u sekuestruan 150, 000 euro.