Nainggolan drejt transferimit te Torino, Interi gati ta shkëmbejë belgun me një mbrojtës

Radja Nainggolan ende nuk e ka të qartë se ku do të luaj edicionin e ardhshëm.

Mesfushori belg është i huazuar te Cagliari nga Interi, por klubi që klubi nga Sardegnia nuk e ka ndërmend ta blejë përfundimisht atë shkaku i pagës së lartë.

Në fund të këtij edicioni Nainggolan do të rikthehet te Interi, ku pastaj do të vendoset për të ardhmen e tij.

“Nainggolan me siguri do të kthehet në Inter. Atëherë do të vlerësojmë së bashku me trajnerin se çfarë do të bëjmë”, deklaroi drejtori i Interit, Piero Ausilio.

Tutto Sport ka raportuar se Ninja mund të përfundojë te Torino si një marrëveshje shkëmbimi.

Neroazzurët janë të interesuar për një mbrojtës qendror dhe në këmbim të Radjas në Giuzeppe Meazza mund të arrijë njëri nga mbrojtësit qendror të Torinos, Armando Izzo ose Nicolas Nkoulou.

Trajneri Antonio Conte i pëlqen dy lojtarët dhe pritet të vendos se cilin do ta transferoj në skuadër, në vend të veteranit Diego Godin që pritet të largohet pas njëviti aspak të mirë.

Gjithsesi sa i përket Nainggolanit, në garë për të mbetën edhe skuadra të tjera si Roma, Fiorentina, Newcastle United d Galatasaray. /Telegrafi/