Musliu pyet Kurtin: Pse Policia e Kosovës që tri vjet nuk ka blerë çizme për policët?

Deputetja e Kuvendit të Kosovës nga radhët e Partisë Demokratike të Kosovës (PDK), Ganimete Musliu ka thënë se kryeministri i Kosovës, Albin Kurti vazhdon të jetë qesharak në çdo postim të tij.

Musliu përmes një postimi në rrjetin social në Facebook ka shkruar se Kurti nuk ka hezituar të marrë merita në punën profesionale dhe operacionale të Policisë së Kosovës.

Ajo shtoi se meritat e Albin Kurtit në çështjet operacionale të Policisë së Kosovës janë zero.

Musliu gjithashtu parashtroi disa pyetje Kurtit që kanë të bëjnë me Policinë e Kosovës.

“Pse nuk e emëroni Drejtorin e Përgjithshëm të Policisë së Kosovës? ( janë bërë më shumë se katër muaj pa drejtor). Pse katër mbledhje radhazi në Komisionin për Çështje të Sigurisë dhe Mbrojtjes ka dështuar votimi në parim i Projektligjit për Pensionet e Zyrtarëve Policor të Policisë së Kosovës dhe Punonjësve të Inspektoratit Policor të Kosovës me autorizime policore. ( me urdhër të Albin Kurtit, deputetet e LVV anëtarë të këtij komisioni nuk kanë marrë pjesë në votim. Përjashtim bënë deputeti Fatmir Humolli nga LVV që ka votuar për.) Pse Policia e Kosovës që tri vjet nuk ka blerë çizme për policët? Pse që pesë vjet nuk janë blerë uniforma për Njësinë Speciale, e ata pjesëtarë kësaj njësie  i keni mbajtur me nga tri javë ditë atje në very?A ta polic  e kanë nga një uniformë, nëse i bëhet me lloç, lagen nga kushtet atmosferike apo gervishen duhet me e pastru atë dhe me përdorë të njëjtën. Sa është numri i policëve që po e braktisin shërbimin në polici? Sa policë të Policisë së Kosovës bëjnë punë sekondare për të mbajtur familjen? “, ka shkruar ndër të tjera Musliu në Facebook. /Telegrafi/