Murtezaj dhe Panxha diskutojnë për thellimin e bashkëpunimit në mes ATK-së dhe Klubit të Prodhuesve

Drejtori i përgjithshëm i Administratës Tatimore të Kosovës, Ilir Murtezaj, ka pritur sot në takim drejtorin ekzekutiv të Klubit të Prodhuesve të Kosovës, Astrit Panxha.

Qëllimi i këtij takimi ishte thellimi i bashkëpunimit mes dy palëve, në mënyrë që kërkesat e tatimpaguesve të trajtohen në kohë dhe me profesionalizëm.

“Është e domosdoshme që të krijohet një bashkëpunim mes komunitetit të bizneseve dhe administratës tatimore, meqë vetëm në këtë mënyrë do të identifikojmë sfidat me të cilat prodhuesit ballafaqohen”, tha Murtezaj, duke shtuar se “do të fokusohemi vazhdimisht në rritjen e profesionalizmit, si dhe në avancimin e shërbimeve në drejtim të lehtësimit të të bërit biznes në Kosovë”.

Lexo po ashtu Murtezaj dhe Tahiri flasin për bashkëpunimin në fushën e drejtësisë

E nga ana tjetër, Panxha, tha se “ne si Klub jem të orientuar që të punojmë më institucione, në mënyrë që prodhuesve kosovarë t’iu ndihmojmë në adresimin e kërkesave, po ashtu ai shprehi gatishmëri për bashkëpunim dhe mbështetje në të gjitha projektet, të cilat ATK planifikon t’i zbatoj”. /Telegrafi/