Muhaxheri: Preferoj koalicion me VV-në, nuk vendos vija të kuqe për PDK-në

Anëtari i Kryesisë së LDK-së dhe kryetari i Pejës, Gazmend Muhaxheri, ka thënë se situatat e krijuara pas zgjedhore mund të ndryshojnë sa u përket koalicioneve mes partive politike.

Muhaxheri, në Debat Plus me Ermal Pandurin në RTV Dukagjini, ka thënë se personalisht preferon nja koalicion LDK-Vetëvendosje.

Ai ka thënë Vetëvendosjes nuk do të ishte dashur t’i vendoset kushti “Ibrahim Rugova” për një bashkëpunim të mundshëm.

“Asnjërës parti nuk mund t’i vendos vija të kuqe por do të preferoja koalicion me Vetëvendosjen. Koalicion parazgjedhor do të mund të bëhej vetëm më Lëvizjen Vetëvendosje”.

Anëtari i Kryesisë së LDK-së ka thënë se nuk mund t’i vendos vijë të kuqe as PDK-së pasi sipas tij pas zgjedhjeve situata politike mund të reflektojë ndryshe.

“Pasi qeverisi me PDK-në në Pejë, nuk po i vendos vija të kuqe as PDK-së. Kryetari i zgjedhur i LDK-së mund të përcaktojë vijat e kuqe”.

Lexo po ashtu Muhaxheri: Arban Abrashi nuk mund të injorohet si kandidat konsensual për kryetar të LDK-së

I pyetur nëse ai zgjidhjet kryetar a do të ketë vija të kuqe për ndonjë subjekt politik, Muhaxheri është përgjigjur shkurt: “Hipotetikisht jo”./Telegrafi/