Mudryk do të jetë sot në Stamford Bridge për përballjen e Chelseat me Crystal Palace

Ylli i Shakhtar Donetsk, Mykhaylo Mudryk do të jetë sot (e diel) në stadiumin Stamford Bridge për përballjen e Chelseat me Crystal Palace në kuadër të javës së 20-të në Ligën Premier.

22-vjeçar ukrainas do të mirëpritet si mysafir në Stamford Bridge, ndërsa skuadra e Graham Potter synon të arrijë fitoren e parë në vitit 2023.

Sipas Daily Mail, Mudryk do ta shikojë ndeshjen nga tribuna dhe do të kryejë teste mjekësore me klubin përpara se të fluturojë përsëri në kampin e Shakhtarit në Turqi për të mbyllur të gjitha gjërat përpara prezantimit zyrtar te Blutë.

Arsenali u tha se ishte destinacioni i preferuar i Mudryk, me skuadrën e Mikel Artetas që dorëzoi tre oferta për ukrainasin me më të fundit që shkonte në 90 milionë euro.

Mykhaylo Mudryk is in London tonight and he will be at Stamford Bridge on Sunday afternoon to follow Chelsea vs Crystal Palace game, after his medical tests. 🚨🔵 #CFC

Pre-contracts have been signed, the official contract will be completed on Sunday. pic.twitter.com/uffa1p6Z5m

— Fabrizio Romano (@FabrizioRomano) January 14, 2023

Megjithatë, drejtuesit e Bluve udhëtuan të shtunën në Poloni për të zhvilluar diskutime me Shakhtarin mbi të ardhmen e sulmuesit anësor, duke rrëmbyer transferimin e tij me një ofertë prej 100 milionë eurosh.

Llogaria e Shakhtarit në Twitter më vonë shtoi se një marrëveshje është afër mes klubeve, ndërsa citati i tyre u postua nga faqja zyrtare e Bluve disa minuta më vonë.

Fituesit e Ligës së Kampionëve të vitit 2021 kanë përditësuar llogarinë e tyre në Instagram për të emrin e Mudryk në biografinë e tyre dhe iu lutën fansave t’i tregojnë lojtarit dashurinë përmes mediave sociale. /Telegrafi/