Mourinho: Nuk do të ketë transferime në janar

Jose Mourinho nuk pret ndonjë transferim në Manchester United në afatin kalimtar të janarit, edhe nëse ata shesin lojtarë të tjerë të parë.

Trajneri portugez është shprehur i kënaqur me organikën aktuale të skuadrës së tij, duke thënë se nuk ka nevojë për ndonjë transferim gjatë afatit kalimtar të janarit.

Lexo po ashtu Formacionet e mundshme: WBA – Man Utd, Mou i beson atyre nga ndeshjet e kaluara

“Më pëlqen skuadra ime, unë besoj në skuadrën time”, ka thënë Mourinho para udhëtimit të skuadrës së tij për ndeshjen e së shtunës ndaj West Brom.

“Në këtë moment, në qoftë se ju më pyesni nëse unë jam duke pritur për dikë që të jetë këtu ditën e parë të janarit, ose në qoftë se ne jemi duke ndjekur disa lojtar, sepse ne duam të kemi një lojtar të ri këtu ditën e parë të janarit, JO është përgjigja në të gjitha”, përcjell Telegrafi.

“Siç e kam thënë, unë dua të mbaj skuadrën time të njëjtë. Por, siç kam thënë më parë dhe po e përsëris prapë, si një menaxher nuk ndjej se kam të drejtë për të ndaluar njerëzit duke u përpjekur të jenë të lumtur dhe duke u përpjekur për të dhënë një drejtim tjetër në karrierën e tyre”.

Lexo po ashtu “Ibrahimovic nuk është lojtar i klasit botëror”

“Nëse kushtet janë të drejta për klubin dhe se arrin momenti gjatë muajit janar, atëherë ne do të duhet të reagojmë. Unë jam i qetë. Do të shohim se çfarë ndodh. Le të shohim se çfarë ndodh”, përfundoi trajneri portugez. /Telegrafi/